SQO-daǵy Jambyl aýdanyna jańa ákim taǵaıyndaldy
Soltústik Qazaqstan oblysy Jambyl aýdanyn budan bylaı Azamat Bektasov basqarmaq. Jańa ákim búgin qyzmetine kiristi, dep habarlaıdy Kazinform.
Azamat Bektasov 1989 jyly SQO, Esil aýdanynda týǵan.
2011 jyly Soltústik Qazaqstan memlekettik ýnıversıtetin «Ekologııa», 2021 jyly Abaı Myrzahmetov atyndaǵy Kókshetaý ýnıversıtetin «Quqyqtaný» mamandyǵy boıynsha bitirdi.
2011 jyldyń qyrkúıek aıynan bastap Esil aýdany Pokrovka aýylynda arnaıy pánder oqytýshysy bolyp jumys istedi.
2013 jyldyń qarasha aıynan – osy aýyldaǵy agrohımııalyq pánder oqytýshysy.
2014 jyldyń maýsymynan - SQO boıynsha ekologııa departamenti memlekettik ekologııalyq baqylaý bóliminiń bas mamany.
2015 jyldyń qazan aıynan – SQO boıynsha ekologııa departamenti memlekettik ekologııalyq baqylaý bóliminiń basshysy.
2017 jylǵy mamyrdan bastap – SQO boıynsha ekologııa departamenti basshysynyń orynbasary.
2020 jyldyń qyrkúıeginen - Qaraǵandy oblysy boıynsha ekologııa departamenti basshysynyń orynbasary.
2020 jylǵy jeltoqsannan – «SQO ákimdiginiń energetıka jáne turǵyn úı-kommýnaldyq sharýashylyq basqarmasy» KMM basshysynyń orynbasary.
2021 jyldyń maýsymynan osy kúnge deıin SQO boıynsha ekologııa departamentiniń basshysy bolyp eńbek etti.
