SQO-daǵy Sergeev qoımasynda sý deńgeıi tómendep keledi

ASTANA. KAZINFORM – Soltústik Qazaqstan oblysynda sý tasqynynyń aldyn alý sharalary júıeli júrgizilip, jaǵdaı turaqtala bastady. Bul týraly SQO TJD baspasóz hatshysy Evgenıı Jýravlev málimdedi.

Onyń aıtýynsha, Sergeev sý qoımasy 152 paıyzǵa tolyp, qaýip tóndirgen. Dese de, aldyńǵy kúni sýdyń deńgeıi 23 sm-ge tómendep, ýaqyt ótken saıyn tómendep kele jatqany baıqalady.

«1 mamyrdan bastap SQO aýmaǵynda sýdyń turaqty tómendeýi boljanyp otyr. Qazirgi ýaqytta sý astynda qalǵan 3702 úıdiń 196-synan sý soryldy. 14 388 adam evakýatsııalandy», - dedi Evgenıı Jýravlev Ortalyq kommýnıkatsııalar qyzmetinde ótken brıfıngte.

Búginde halyqty ýaqytsha ornalastyrý pýnktterin 906 adam panalap otyr. Sý tasqynyna qarsy shtabtar táýlik boıy jumys isteıdi.