SQO-da jońyshqadan túıirshiktelgen jem óndirilmek

PETROPAVL. KAZINFORM — Soltústik Qazaqstanda jońyshqadan túıirshiktelgen jem óndiretin zaýyt  salynyp jatyr. Bul týraly AShM baspasóz qyzmeti málim etti.

Soltústik Qazaqstan oblysynyń Qyzyljar aýdanynda aýyl sharýashylyǵy janýarlaryna arnalǵan jońyshqadan jem óndiretin zaýyttyń qurylysy júrip jatyr. Joba «Salar Farm» JShS tarapynan «Soltústik» áleýmettik-kásipkerlik korporatsııasy» AQ-nyń qoldaýymen júzege asyrylyp otyr.

Kásiporyndy 2026 jyldyń kókteminde iske qosý josparlanǵan. Zaýytta jońyshqany óńdeýdiń tolyq tehnologııalyq tizbegi engiziledi: shópti jasandy keptirý, presteý jáne túıirshikteý.

— Jońyshqanyń basty artyqshylyǵy — quramyndaǵy aqýyz ben proteınniń joǵary bolýy. Bul — premıým sanattaǵy jem, biz ony Qytaı men BAÁ-ge eksporttaýdy josparlap otyrmyz. Jońyshqany ózimizdiń sýarmaly alqaptarymyzda ósiremiz, — dep atap ótti kompanııa dırektory Arman Ýataev.

Kásiporynnyń jobalyq qýattylyǵy jylyna 60 myń tonna daıyn ónimdi quraıdy. Barlyq protsess barynsha avtomattandyrylady.

Jobanyń jalpy quny — shamamen 5 mlrd teńge.