SQO-da joǵalyp ketken oqýshy qyzdyń denesi tabyldy

PETROPAVL. QazAqparat – Soltústik Qazaqstan oblysynda úıinen shyǵyp ketken 8-synyp oqýshysynyń óli denesi tabyldy, dep habarlaıdy QazAqparat Rolisia.kz-ke silteme jasap.

19 mamyr kúni SQO Jambyl aýdanynyń polıtsııa bólimine Jańajol aýylynyń turǵynynan 14 jastaǵy jıeni tańerteń úıden belgisiz baǵytta ketip qalǵany týraly telefon arqyly habarlama tústi.

Polıtsııa bóliminiń qyzmetkerleri quqyq qorǵaý organdary mamandarynan, pedagogter men jergilikti turǵyndardan quralǵan izdeý toptaryn uıymdastyrdy. Іzdestirý is-sharalary aýyl mańynda avtokólikpen jáne atpen júrgizildi.

20 mamyr kúni tańerteń joǵalǵan 8-synyp oqýshysynyń denesi Jańajol aýylynan 1,5 shaqyrym jerde toǵannan tabyldy», - delingen polıtsııa habarlamasynda.

Atalǵan fakti QR Qylmystyq kodeksiniń 105-baby 3-bóligi boıynsha sotqa deıingi tergep-tekserýlerdiń biryńǵaı tizilimine tirkeldi.

«Ólimniń naqty sebebi sot-medıtsınalyq saraptama nátıjeleri boıynsha anyqtalady. Іstiń barlyq mán-jaıyn tolyq, jan-jaqty jáne obektıvti zertteýge baǵyttalǵan tergeý áreketteri júrip jatyr. Olardyń qorytyndysymen túpkilikti is júrgizý sheshimi qabyldanady», - delingen aqparatta.