SQO-da jyrtqysh ań 50 shaqty qoıdy qyryp ketti

Soltústik Qazaqstan oblysy Aıyrtaý aýdanyndaǵy sharýashylyqtardyń birinde qyrylǵan 11 qoıdyń óligi tabyldy, dep habarlaıdy Kazinform.

SQO polıtsııa departamenti baspasóz qyzmetiniń málimetinshe, 16 jeltoqsan kúni saǵat 05:00-de Aıyrtaý aýdandyq polıtsııa bólimine ýchaskelik polıtsııa ınspektory habarlasyp, mal sharýashylyǵy kesheninde 44 qoıdyń belgisiz sebeppen qyrylǵandyǵyn aıtqan.

Oqıǵa ornyna birden jedel tergeý toby jetti. Tekseris barysynda ólgen qoılardy belgisiz jyrtqysh ań talaǵandyǵy anyqtalǵan. Ólekseler tyrnalyp, tistelgen, tamaǵy orylǵan. Al bireýi jartylaı jelingen bolǵan.

Polıtseıler qoıǵa ıttiń tıgenin birden joqqa shyǵardy, óıtkeni qoraǵa jabaıy ańnyń kelgeni izinen belgili boldy.

Aýdandyq polıtsııa bóliminiń basshysy Marat Serkeshevtiń aıtýynsha, qoranyń aınalasyn 500-600 metr qashyqtyqta qaraý kezinde sileýsin izderine uqsas izder tabyldy. Jalpy materıaldyq shyǵyn shamamen 1 mln teńge shamasynda.

Tergeý júrip jatyr.