SQO-da jasy 60-tan asqan egde kisilerdiń 18 paıyzy ǵana vaktsına alǵan
SQO densaýlyq saqtaý basqarmasy basshysynyń orynbasary Nurlan Aımanovtyń aıtýynsha, óńirde 251 myńǵa jýyq adam vaktsınanyń birinshi komponentin aldy.
Bul - jospardyń 67,7 paıyzy, al oblys boıynsha jospar – 370 myń adam.
Bul - óńirdiń eresek turǵyndarynyń 91 paıyzy. Áli 119 myńnan astam adam egilgen joq.
Ekinshi komponentin ázirge 233 myń adam aldy, bul - 62,9 %.
«Oblysta jasy 60-tan asqan 134 myń adam bar. Olardyń tek 24 myńnan astamy ǵana ekpe alǵan, bul - 18 %. ıAǵnı áli 109 myń adam alýy tıis. Qazir statsıonarlarda jatqan 793 naýqastyń 80 %-dan astamy – osy egde jastaǵylar. Onyń barlyǵy - vaktsına almaǵandar», - deıdi Nurlan Aımanov.
Búginge deıin SQO-da 289 adam koronavırýstan qaıtys boldy. ıAǵnı qaýipti ınfektsııanyń «delta» shtamy paıda bolǵaly, 15 shildeden bastap 246 adam kóz jumdy.
Onyń 80 paıyzy – 60 jastan asqandar jáne onyń bári - vaktsınatsııadan ótpegender.
«Infektsııalyq statsıonarlarǵa vaktsına alyp túsip jatqandar da bar, óıtkeni ekpeniń tolyq komponentin alǵannan keıin 45 kún ótkesin ǵana adamda ımmýnıtet paıda bolady. Oǵan deıin aǵza qorǵalmaǵan. ıAǵnı osy ýaqyt ótpeıinshe, vaktsına alsa da juqtyrý qaýpi joǵary. Vaktsınatsııa bastalǵaly óńirde ekpe alǵan 2567 adamnyń PTR-testi oń nátıje kórsetken. Bul barlyq aýyrǵandardyń tek 1 %-y ǵana. Olardyń 72 %-ynda aýrý belgileri bolmaǵan nemese jeńil ótkergen. Al 28 %-ynan astamy, bul – 727 adam statsıonarlarǵa jatqyzylǵan. Bul adamdardyń 47-si jansaqtaý bóliminde jatty, olardyń kópshiliginiń ilespe aýrýlary bolǵan», - deıdi Nurlan Aımanov.
1 shildeden bastap 28 qazan aralyǵynda ınfektsııalyq bólimshelerde vaktsına almaǵan 8100 syrqat emdelgen. Buǵan qosymsha 1300-ge jýyq ekpe almaǵan syrqat jansaqtaý bólimshelerinde jatty.
«Osynyń bárin eskere kele biz sizderdi óz kózqarastaryńyzdy ózgertip, vaktsına alýǵa shaqyramyz. Ásirese qater tobyna jatatyn adamdar qaýipti dertten saqtanýy úshin ekpe alýy qajet. Týǵan-týystaryńyzǵa túsindirip aıtyńyzdar. Aýrý asqynbaǵan kezde vaktsına alýǵa bolady.
Medıtsınalyq qoǵamdastyq vaktsınanyń oń nátıjesi barlyǵyna senimdi, sol sebepti biz barlyq turǵyndardan negizgi eki sharany oryndaýdy suraımyz. Onyń biri, bas sanıtar dáriger aıtyp ketkendeı, sanıtarııalyq talaptardy oryndaý, maskany durys taǵý, áleýmettik ara qashyqtyqty saqtaý, adam kóp shoǵyrlanǵan jerlerge barmaý, bata, oıyn-toılarǵa barmaý, ótkizbeý. Ashyq qosymshasyn paıdalaný. Úı karantınine otyrǵyzylsa, basqalarǵa juqtyrmaı úıde otyrý. Biz, medıtsınalyq qoǵamdastyq, koronavırýs ınfektsııasynan qatty sharshadyq. Biz onyń taralmaýyna múddelimiz. Vaktsınatsııa men karantındik sharalardyń maqsaty – koronavırýsty qarapaıym ınfektsııalar deńgeıine túsirý. Al oǵan biz karantındik talaptardy oryndap, vaktsına alǵanda ǵana qol jetkizemiz. Infektsııalyq statsıonarlarǵa koronavırýsty juqtyrǵandar túspeıtin bolǵanda ǵana biz bul dertti jeńdik dep aıta alamyz. Sol kezde ǵana medıtsınalyq qoǵamdastyq arqany keńge salyp, basqa aýrý túrleri boıynsha syrqattarǵa tıisinshe kóńil bóle alady», - deıdi basqarma basshysynyń orynbasary.
Mamannyń aıtýynsha, jaz ýaqytynda vaktsınatsııa alǵandardyń sany táýligine 3-5 myń deıin jetken kezder bolǵan. Qazir kórsetkish 300-500-den aspaıdy eken.
