SQO-da jalǵan málimet arqyly 600 mln teńge nesıe alǵan kásipker raqymshylyqqa ilindi
SQO sotynyń sýdıasy Erbar Qalıevtiń aıtýynsha, buǵan deıin Moldashevke bir top adammen aldyn ala sóz baılasý arqyly asa iri kólemde bótenniń múlkin aldaý arqyly urlaý qylmystyq isi boıynsha jaza qoldanyldy. Endi appelıatsııalyq sot ınstantsııasy bapty qaıta aýystyryp, uıym basshysynyń ózge kredıtorǵa nemese bankke nesıe alý úshin jalǵan málimet berýi boıynsha isti qarady.
«Bul ekeýiniń aıyrmashylyǵy nede? Alaıaqtyq bolǵanda, nesıe alǵan adam qaryzdy o bastan qaıtarmaıtynyn biledi. ıAǵnı, 600 mln teńge aldy, biraq ony qaıtaratyn oıy joq.
Endi bizdiń jaǵdaıǵa oralaıyq. Moldashev shynynda da, 2017 jyly nesıege úlken somany aldy, 2020 jyldyń aqpany qylmystyq is qozǵalǵanǵa deıin Moldashev ne istedi, ol kelisimshart boıynsha garant retinde óziniń ıeligindegi «Korporatsııa Ramýt» JShS belgileıdi. Keıin 600 mln teńge nesıe alǵasyn osy seriktestik arqyly 2018 jyldyń qańtarynan qarashaǵa deıin aqsha aýdaryp, 18 operatsııa júrgizgen. Soma 14 mln teńgeden asady, «Ramýt Agro Kemıkal» JShS arqyly 16 operatsııamen 190 mln teńge aqsha aýdarǵan. «Jarqyn» JShS arqyly 3 operatsııa júrgizip, 2,5 mln teńgege jýyq qarajatty qaıtarǵan. Nátıjesinde Agrarlyq nesıe korporatsııasyna 207 mln teńgege jýyq aqshany aýdarǵan.
2019-2022 jyldar aralyǵynda qylmystyq is qozǵalǵanǵa deıin azamattyq sot isin júrgizý aıasynda atqarýshylyq áreketter jasalǵan. Moldashevtiń múlkine tyıym salynǵan. Múliktiń jalpy somasy shamamen 179 mln teńgege sáıkes keledi» - deıdi Erbar Qalıev.
«Agrarlyq kredıttik korporatsııa» AQ alynǵan nesıeniń esebine «Jarqyn» JShS-niń zamanaýı tehnıkasyna, ǵımarattarǵa tyıym salynǵan. Osylaısha qaryzdy qaıtarýǵa jalpy 606 mln teńge qarajat alynǵan.
«Paılary bar turǵyndardyń aryzdary qaraldy. Olardyń jerleri kepilden bosatylyp, qaıtaryldy.
Oblystyq sot Moldashevti 6 jyl 8 aıǵa bas bostandyǵynan aıyrǵan kezde azamattyq sottyń sheshimi shyqqan joq, ıaǵnı, jerdiń qaıtarylǵany esepke alynbady», - deıdi sýdıa.
QR QK 219-baby boıynsha 2 jylǵa deıin bas bostandyǵynan aıyrý nemese bostandyǵyn shekteý nemese 600 AEK mólsherinde aıyppul salý qarastyrylǵan.
Bul bap boıynsha jaza aýyr bolmaǵandyqtan sottalýshyǵa QR Táýelsizdiginiń 30 jyldyǵyna oraı jarııalanǵan raqymshylyq qoldanylyp, Moldashev bostandyqqa shyqty.
SQO prokýratýrasy osy iske qatysty túsinik berdi.
«Petropavl qalalyq sotynyń Moldashevqa qatysty úkimdi ózgertýimen SQO prokýratýrasy kelispeıdi. Sondyqtan appelıatsııalyq ınstantsııanyń qaýlysynyń kúshin joıý boıynsha óziniń túbegeıli ustanymymen kassatsııalyq ótinish beredi», - delingen habarlamada.
Buǵan deıin SQO-da «Jarqyn-SK» JShS basshysy sottalǵandyǵyn aıtqan edik. Ol aýyl turǵyndarynyń jer úlesin jalǵan qujat jasaý arqyly bankke kepilge bergen. Osylaısha 600 mln teńgeni qaltasyna basqan.
