SQO-da volonterler sýıtsıdtik minez-qulyqty anyqtaýǵa úırendi
PETROPAVL. KAZINFORM – Soltústik Qazaqstan oblysynda 40 volonter «JANYNDAMYN» jobasyna qatysty.
Bul joba 2022 jyldyń qyrkúıeginen bastap, Dúnıejúzilik densaýlyq saqtaý uıymynyń, QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen júzege asyrylyp keledi.
Bul joly jobaǵa Qozybaev ýnıversıtetiniń ártúrli mamandyq alyp jatqan stýdent-volonterleri qatysty.
Jastar trenıng barysynda sýıtsıdtik minez-qulyqty anyqtaýdy, alǵashqy psıhologııalyq kómek kórsetýdi jáne qajet bolǵan jaǵdaıda adamdardy arnaıy psıholog nemese dáriger mamandarǵa baǵyttaýǵa úırendi.
Volonterler aýtodestrýktıvti minez-qulyq, klınıkalyq psıhologııa, psıhıatrııa, salamatty ómir saltyn qalyptastyrý, teatr psıhologııasy boıynsha negizgi bilim aldy. Spıkerler men trenerler qatarynda tájirıbeli psıhologtar jáne psıhıatrlar boldy.
Oqytý nátıjesi boıynsha endi árbir qatysýshy emtıhan tapsyryp, sertıfıkat alady.
Osy jyldyń maýsym aıynda qazaqstandyq kognıtıvti-minez-qulyq terapııasy qaýymdastyǵynyń baǵdarlamasy boıynsha 15 trener-mamandy oqytý josparlanǵan.
Buǵan deıin Bas prokýratýranyń málimetinshe, 2024 jyldyń 8 aıynda elimiz boıynsha 2 389 sýıtsıd oqıǵasy tirkelip, onyń 128 oqıǵasyn 15 pen 18 jas aralyǵynda jasóspirimder jasaǵanyn jazǵan edik.