SQO-da úı karantınin buzǵandar 4,5 mln teńge aıyppul tóledi
SQO sanıtarııalyq-epıdemıologııalyq baqylaý departamentiniń málimetinshe, 1 qazan men 4 qarasha aralyǵynda 23 monıtorıngtik top óńirde 221 reıd júrgizip, 1323 nysandy teksergen. Nátıjesinde 33 adam jaýapkershilikke tartyldy. Olarǵa 1 mln 735 myń teńgeniń aıyppuly salyndy.
Úı karantınin buzǵandar da anyqtalyp jatyr. «Qyzyl», «sary» mártebesi barlar adamdar kóp júretin qoǵamdyq oryndarǵa barǵan. Ashyq arqyly 112 adam anyqtalyp, olarǵa 4 mln 500 myń teńge aıyppul salyndy.
Jalpy SQO-da qazirgi ýaqytta 3 myńǵa jýyq nysan Ashyq qosymshasyna tirkelgen. Oblystyq ákimdiktiń málimetinshe, qazirgi ýaqytta myńǵa jýyq nysan aýtsaıderlerdiń qatarynda. Keı mekeme qosymshany engizgenimen 3-4 aıdyń ishinde ony bir ret te qoldanbaǵan. Al bilim berý, densaýlyq saqtaý mekemeleri men qoǵamdyq tamaqtaný oryndary, basseınder kerisinshe, Ashyq-ty paıdalaný boıynsha kóshbasshylary qatarynda keledi.
