SQO-da UBT-nyń birinshi kezeńine qatysýǵa qansha ótinim tústi
SQO-da UBT-nyń birinshi kezeńi M.Qozybaev atyndaǵy Soltústik Qazaqstan ýnıversıtetiniń qabyrǵasynda ótip jatyr. Birinshi kúni synaqtan ótýge 480 túlek qatysty. Olardyń 180-i testti qazaq tilinde tapsyrsa, qalǵany orys tilin tańdaǵan. Bul joly jaqsy nátıje kórsetip, joǵary ball jınaǵan túlekter joǵary oqý oryndarynyń aqyly bólimine túse alady. Ázirshe joǵary oqý ornyna ótý baly byltyrǵy deńgeıde qalyp otyr. ıAǵnı tehnıkalyq, aýyl sharýashylyǵy mamandyqtaryna túsý úshin eń keminde 50 ball, pedagogıkalyq – 60 jáne medıtsınalyq mamandyqtarǵa - 65 ball jınaý qajet.
«Qańtar aıynda UBT birinshi kezeńinen ótýge barlyǵy 1409 oqýshy tilek bildirdi. Olar mektepti bıyl bitiretin túlekter jáne joǵary oqý oryndarynyń birinshi semestrin oqyǵan jáne «ýaqytsha qabyldanǵan» kategorııasyna jatatyn birinshi kýrs stýdentteri.
Búgin 480 adam testileýden ótýi tıis. Testileýdiń qorytyndysy boıynsha olardyń qanshasynyń qatyspaǵanyn biletin bolamyz. Óıtkeni UBT-nyń bul kezeńine jastar óz erkimen qatysady. Tirkeýden ótkennen keıin de sebebin túsindirmesten testileýge qatysýdan bas tartýyna bolady», - deıdi Manash Qozybaev atyndaǵy Soltústik Qazaqstan ýnıversıtetiniń qabyldaý komıssııasynyń jaýapty hatshysy Irına Golodova.
I.Golodovanyń aıtýynsha, bıyl SQO-da 3300 túlek mektep bitiredi. Olardyń ázirshe qanshasy testileýden ótetini belgisiz. Óıtkeni alda UBT-nyń áli eki kezeńi bar. Naýryz aıynda jáne grantqa oqýǵa túsýge múmkindik beretin eń negizgisi – maýsym aıynda ótedi.
«Ótken jyldardan baıqaǵanymyz, balalardyń basym kópshiligi maýsym aıynda testileýden ótedi. Búgin testileýden ótip jatqandardyń 24-i – stýdent. Jalpy, UBT-ny ótý talaptarynda esh ózgeris joq. Biraq synaqtan ótetinderdiń ruqsat etilmegen zattardy paıdalanbaýy qatań baqylanady. Olar túrli gadjetter, elektrondy quraldar. Eger buryn túlekterge uıaly telefondaryn JOO aýmaǵynda qaldyrýyna ruqsat etilse, qazir olardy test tapsyrý aımaǵyna ótkizgen jaǵdaıda túlekke jaýapkkershilik artylatyndyǵy jáne qolǵa túsken jaǵdaıda aýdıtorııadan shyǵarylatyndyǵy birden eskertiledi», - deıdi Irına Golodova.
