SQO-da turǵyn úıdegi órtten 13 adam qutqaryldy
Órt sóndirýshiler SQO Býlaev aýdanynyń M.Jumabaev atyndaǵy aýdan ortalyǵyndaǵy turǵyn úıdegi órtten 13 adamdy, onyń ishinde 2 balany qutqaryp, evakýatsııalady, dep habarlaıdy Kazinform.
Tótenshe jaǵdaılar mınıstrligi baspasóz qyzmetiniń málimetinshe, órt týraly aqparat 1 qańtarda saǵat 13:21-de túsken. 5 mınýttan keıin kezekshi qaraýyl sol jerge kelip, adamdardy qutqarýǵa jáne órtti sóndirýge kiristi.
«Órt sóndirýshiler Nursultan Shýngýlshın men Erlan Myjıkanov 7 adam: 4 áıel men 3 bala qutqardy. Órt saǵat 13:50-de tolyǵymen joıyldy. Qurbandar men zardap shekkender joq», - delingen habarlamada.
Qaraýyldyń jeke quramy janyp jatqan páterden 27 lıtrlik gaz ballonyn shyǵardy. Sol úıde turatyn aǵa leıtenant Ǵalymjan Baıbýsın órt sóndirýshiler kelgenge deıin qolda bar quraldarmen órtti sóndirý sharalaryn qabyldap, órt sóndirýshilerge adamdardy evakýatsııalaýǵa kómektesti.
