11:20, 23 Qańtar 2025 | GMT +5
SQO-da turǵyn úı órtenip, oqıǵa ornynan 2 adamnyń denesi tabyldy
PETROPAVL. KAZINFORM – Soltústik Qazaqstan oblysyndaǵy Stýpınka eldi mekeninde jeke turǵyn úıden órt shyqty.
SQO tótenshe jaǵdaılar departamenti baspasóz qyzmetiniń málimetinshe, Shal aqyn aýdany Stýpınka aýylyndaǵy jeke turǵyn úıde órt shyqqany týraly 112 pýltine habar túnde túsken. Gaz ballonynyń jarylýy saldarynan shatyr men tóbe jabyny opyryldy.
Órt sóndirýshiler kelgende úı jalynǵa oranyp úlgergen. Qazirgi ýaqytta órt ornynda 2 adamnyń denesi tabyldy, olardyń jeke basy anyqtalyp jatyr.
Otbasynyń qalǵan músheleri áli tabylǵan joq.
Búginde mamandar tilsiz jaýdy oqshaýlady. Órttiń aýdany shamamen – 104 sharshy metr.
Bir apta buryn Petropavldaǵy «Jastar» stadıonynda jabyq kort órtengen edi.