SQO-da tasqynnan zardap shekken 11 myńnan astam turǵynǵa keńes berildi
ASTANA. KAZINFORM – Soltústik Qazaqstan oblysynda sý tasqynynan zardap shekken 11 myńnan astam turǵynǵa keńes berildi. Bul týraly SQO qoǵamdyq shtabynyń múshesi Arman Berdaǵulov aıtty.
«Jergilikti jerlerde shtab músheleri ótemaqy alý úshin qajetti qujattardy jınaýǵa kómektesip jatyr. Ekinshi deńgeıli banktermen jumyspen qamtý ortalyqtaryna júginý úshin revızetter usyný maqsatynda bankke barmastan jergilikti jerden-aq esepshot ashý týraly ýaǵdalastyqqa qol jetkizildi», - dedi ol Ortalyq kommýnıkatsııalar qyzmetindegi brıfıngide.
Onyń dereginshe, búginge deıin shtab músheleri 170-teı kezdesý ótkizip, 11 myńnan astam turǵynǵa keńes berip úlgergen. Shtab osy baǵyttaǵy jumysyn jalǵastyryp jatyr.
Brıfıng barysynda BQO qoǵamdyq shtabynyń múshesi Arhat Islamǵalı da óńirde atqarylyp jatqan jumystarǵa toqtaldy.
«Batys Qazaqstan oblysynda tótenshe jaǵdaı engizilgennen beri qoǵamdyq shtab jumysyn bastady. Shtabtyń negizgi jumysy – evakýatsııalyq pýnktterdegi turǵyndardyń jaǵdaıyn qadaǵalaý, kezdesý, memleket jáne partııalar tarapynan kórsetiletin kómekti qadaǵalaý», - dedi shtab múshesi.
Eske salsaq, buǵan deıin qutqarýshylar SQO-daǵy sý basqan aýylǵa azyq-túlikti qaıyqpen tasymaldap jatqanyn jazǵan edik.
