SQO-da sý tazartý mekemesiniń basshylary tergelip jatyr
ASTANA. KAZINFORM – Soltústik Qazaqstan oblysynda «Tazartý, sý burý jáne sý ótkizý qurylystary» memlekettik kommýnaldyq kásiporyn basshysy men onyń orynbasary qarjy jymqyrdy degen kúdikke ilindi. Bul týraly Sybaılas jemqorlyqqa qarsy is-qımyl agenttiginiń resmı ókili Arman Tileýkenov málim etti.
«Soltústik Qazaqstan oblysy boıynsha Sybaılas jemqorlyqqa qarsy qyzmet Petropavl qalasy ákimdiginiń «Tazartý, sý burý jáne sý ótkizý qurylystary» ShJQ MKK (Sharýashylyq júrgizý quqyǵyndaǵy memlekettik kommýnaldyq kásiporyn) basshysy men onyń orynbasaryna qatysty sotqa deıingi tergep-tekserýdi bastady», - dedi Arman Tileýkenov agenttikke ótken baspasóz máslıhatynda.
Resmı ókildiń aıtýynsha, sottyń sanktsııasymen kúdiktiler qamaýǵa alyndy jáne tergeý jalǵasýda.
«Laýazymdy tulǵalar 2020-2022 jyldar kezeńinde úlestes kásiporyndarmen daýyl jelilerin rekonstrýktsııalaý, sorǵy stantsııalaryn jóndeý jáne arnaıy tehnıkany jaldaý boıynsha qyzmetter kórsetý boıynsha jumystardy oryndaýǵa jalǵan sharttar jasasý jolymen jalpy somasy 258 mln teńgege bıýdjet qarajatyn jymqyrý boıynsha kúdikke ilindi», - deıdi ol.
