SQO-da sý tasqynynda zardap shekken balalar «Baldáýrende» demalatyn boldy
PETROPAVL. KAZINFORM – QR Oqý-aǵartý mınıstrliginiń sheshimimen sý tasqynynda zardap shekken soltústikqazaqstandyq balalar respýblıkalyq «Baldáýren» oqý-saýyqtyrý ortalyǵyna baryp demalady.
Soltústik Qazaqstan oblysy bilim basqarmasy baspasóz qyzmetiniń málimetinshe, óńirde sý tasqynynan zardap shekken 96 bala bar. Endi olar 8-25 mamyr aralyǵynda «Baldáýren» ortalyǵynda saýyǵyp, demalady.
«Shal aqyn aýdanynan 37 bala, Ǵ.Músirepov atyndaǵy aýdannan 9 bala Almaty oblysy Qonaev qalasynda ornalasqan respýblıkalyq «Baldáýren» oqý-saýyqtyrý ortalyǵyna barady.
Petropavldan, Esil jáne Qyzyljar aýdandarynan 48 bala Aqmola oblysy Şýchınsk qalasyndaǵy ortalyqqa jiberiledi», - deıdi vedomstvonyń baspasóz hatshysy Ásel Orazbaeva.
Oqý-saýyqtyrý ortalyǵyna balalar búgin keshke, «Petropavl-Almaty» poıyzymen Petropavl stantsııasynan attanady.
Buǵan deıin búginnen bastap negizgi UBT-ǵa ótinish qabyldaý bastalǵanyn aıtqan edik.
