SQO-da sý tasqynyna qarsy kúsheıtilgen is-sharalar jalǵasyp jatyr
ASTANA. KAZINFORM – SQO Qyzyljar aýdany Dolmatovo aýylynda sý tasqynyna qarsy kúsheıtilgen is-sharalar jalǵasyp jatyr.
Negizgi ekpin ınertti materıaldar salynǵan qaptardy tóseýge jáne sýdy sorýǵa baǵytalǵan.
Bul jumystarǵa 93 adam, 14 tehnıka men 7 motopompa jumyldyryldy. Búgingi tańda ınertti materıal salynǵan 1250 qap daıyndaldy, onyń 1100 sý ótip ketetin jerlerge tóseldi. Jaǵdaı jedel shtabtyń turaqty baqylaýynda.
Sý tasqynyna qarsy is-sharalaryn TJjD bastyǵy Azamat Júnisov pen AQjÁBK tóraǵasynyń orynbasary Aqylbek Ahmetjanov jáne Soltústik Qazaqstan oblysy TJD bastyǵynyń orynbasary Murat Qanǵojınov úılestiredi. Jumystardy júrgizýge TJM, SQO TJD, Astana qalasy, Aqmola oblysynyń kúshteri, sondaı-aq jergilikti atqarýshy organdar, polıtsııa qyzmetkerleri qosymsha tartyldy.
Aıta ketelik SQO-da sý tasqyny bastalǵaly 148 adam, sonyń ishinde 24 bala evakýatsııalandy.