SQO-da sharýashylyqtardyń birinde 100 tonna maıly daqyl janyp ketti

Soltústik Qazaqstan oblysy Ǵ.Músirepov atyndaǵy aýdan "Aq nan sever» JShS órt shyǵyp, keptirgishke salynǵan 100 tonna kúnbaǵys daqyly janyp ketti, dep habarlaıdy Kazinform.

SQO Tótenshe jaǵdaılar departamenti baspasóz qyzmetiniń málimetinshe, 25 qazanda saǵat 01:22-de «101» telefonyna Ǵ. Músirepov atyndaǵy aýdannyń ortalyǵy Novoıshımskoe eldimekenindegi «Aq nan sever» JShS-de órt shyqqandyǵy týraly aqparat túsken.

Oqıǵa ornyna № 16 órt sóndirý bóliminiń bólimsheleri jetti. Jalyndy aýyzdyqtaýǵa jeke quramnan 21 adam, 4 tehnıka jumyldyryldy. Órt sóndirýshiler kelgen kezde metall astyq keptirgishtegi 100 tonna kúnbaǵys daqyly janyp jatqan. Jalyn qasyndaǵy qazandyqqa da jaıyla bastaǵan eken. Qatty jel órt sóndirýshilerdiń jumysyn qıyndata tústi. Olarǵa «Nan bazasy» JShS órtke qarsy erikti qurylymy jáne «Qazaqstan temirjoly» AQ órt sóndirý poıyzy kómekke keldi.

Dereý iske kirisken mamandar órtti tek saǵat 07:19-da sóndirdi.

Órt saldarynan metall astyq keptirgish, qazandyq shatyry jáne kúnbaǵys daqyly janyp ketti. Jalyn sharpyǵan aýdan 274 sharshy metrdi qurady.

Boljam boıynsha, órttiń shyǵýyna tehnologııalyq protsestiń buzylýy sebep bolǵan.

Zardap shekkender joq.