SQO-da sábı koronavırýstan qaıtys boldy
SQO Sanıtarııalyq-epıdemıologııalyq baqylaý departamentiniń basshysy Áset Jumataevtyń aıtýynsha, ótken táýlikte koronavırýsty 57 adam juqtyrǵan. Al ótken eki aptada aýyrǵandar sany 1020 adamǵa jetken, bul onyń aldyndaǵy kezeńmen salystyrǵanda 1,4 ese az.
Oblystyń bas sanıtar dárigeri balabaqshalarda nelikten ata-analardyń beıne-foto túsirilim jasaýyna bolmaıtynyn túsindirdi. Basty sebep – epıdemıologııalyq jaǵdaı. KVI jáne jiti respıratorlyq vırýstyq ınfektsııanyń 1,5 ese artýyna, sondaı-aq osy aptada eki tumaýmen aýyrý jaǵdaıynyń tirkelýine baılanysty balabaqshalarǵa bóten adamdardyń kirýine tyıym salyndy. ıAǵnı mekemelerge anımatorlar, fotograftar kire almaıdy.
Densaýlyq saqtaý basqarmasynyń málimetinshe, juqpaly aýrýlar statsıonarlarynda 369 syrqat bar, 22 % ǵana júktelgen. Jansaqtaý bólimshelerinde 37 adam jatyr. Koronavırýs juqtyrǵan 100 bala dárigerlerdiń baqylaýyna alynǵan. Olardyń altaýy statsıonarda em qabyldap jatyr.
«Osy kúnge deıin 656 júkti áıel koronavırýs juqtyrdy. 10 áıel dárigerlerdiń baqylaýyna alynǵan, úsheýi statsıonarlarda em alyp jatyr. 200-ge jýyq jaǵdaıda áıelderdi kesir tiligi arqyly erte bosandyryp alýǵa týra keldi. Bir áıel, ókinishke oraı qaıtys boldy, onyń ókpesiniń kóp bóligi zaqymdandy. Sondaı-aq úsh náresteni óte erte týýyna baılanysty aman alyp qala almadyq. Bir sábı koronavırýstan kóz jumdy», - deıdi oblystyq Densaýlyq saqtaý basqarmasy basshysynyń orynbasary Qumar Kúsemisov.
Mamandardyń aıtýynsha, ekpe egý kabınetteri demalysta da jumys istemek. Jumystan qoly tımeıtinder osy kúnderi vaktsına saldyra alady. Bul, ásirese, balalaryna ekpe qoıdyratyn ata-analarǵa yńǵaıly bolmaq, olar demalysta balalarynyń janynda bolyp, ekpeden keıingi jaǵdaılaryn baqylaı alady.
Buǵan deıin óńirde 10 myńǵa jýyq adamnyń revaktsınatsııadan ótkenin aıtqan edik.
Al erteńnen bastap SQO-da shekteý sharalary jeńildetilmek.
