SQO-da probatsııa qyzmetkeri bir otbasyny órtten qutqaryp qaldy
ASTANA. KAZINFORM — Aqqaıyń aýdanynda probatsııa qyzmetkeri órt kezinde adamdardyń ómirin saqtap qaldy, – dep jazdy Polisia.kz.
9 maýsymda túngi saǵat 03:00 shamasynda Aqqaıyń aýdanynyń Smırnovo aýylynda órt shyqty. Sol túni bolǵan oqıǵa ádilet kapıtany Darhan Bekbýlatovtyń jedel áreketiniń arqasynda qaıǵyly jaǵdaıǵa ulaspady.
Darhan Bekbýlatov úıinde bolǵan kezde syrttan atysqa uqsas dybys estip, dalaǵa shyqqan. Syrtta qoıý tútindi baıqap, birden órt shyqqan jerge qaraı júgirgen. Oqıǵa ornyna jetkende monshanyń jana bastaǵanyn kórgen. Monsha turǵyn úıge japsarlas salynǵandyqtan, jalyn úıge de tarala bastaǵan edi.
Darhan dereý órt sóndirý qyzmetine naqty mekenjaıdy habarlap, kómek kelgenshe óz betinshe áreket etýge kirisken. Ol úıde uıyqtap jatqan eki bala, olardyń anasy men basqa da adamdardy oıatyp, barlyǵyn qaýipsiz jerge shyǵaryp úlgerdi.
Sonymen qatar ol órt shyqqan aýmaqty qorshap, adamdardyń jaqyndaýyna jol bermeı, jaraqat alý qaýpin boldyrmady. Órt sóndirýshiler kelgenshe qolda bar quraldardy paıdalanyp, jalyndy toqtatýǵa tyrysty. Darhan Bekbýlatovtyń batyldyǵy men shapshań áreketiniń arqasynda adamdar aman qaldy, al materıaldyq shyǵyn az boldy.
Keıin oqıǵa ornyna kelgen órt sóndirýshiler órtti tolyq sóndirdi. Tekserý barysynda órttiń shyǵýyna peshti ornatý kezinde órt qaýipsizdigi talaptarynyń buzylýy sebep bolǵany anyqtaldy. Aman qalǵan otbasy Darhan Bekbýlatovqa erligi men janqııarlyǵy úshin alǵysyn bildirdi.
Aıta keteıik, Pavlodarda polıtseıler kópirden sekirmekshi bolǵan júkti áıeldi qutqaryp qaldy.