SQO-da ózenderde muz jarý jumysy júrgizilip jatyr
PETROPAVL. KAZINFORM – Soltústik Qazaqstan oblysynda kóktemgi sý tasqyny qarsańynda ózenderde muz jarý jumysy bastaldy.
SQO Tótenshe jaǵdaılar departamenti baspasóz qyzmetiniń málimetinshe, 10 naýryz kúni Qyzyljar aýdanyndaǵy Krasnyı ıAr jáne Dolmatovo eldi mekenderiniń mańynda Esil ózeninde muz jaryldy. Qamtylǵan aýmaq 2,5 myń sharshy metr. Jumysty mamandandyrylǵan jaýapkershiligi shekteýli seriktestik atqardy. Oqıǵa ornynda sondaı-aq qutqarýshylar, jergilikti atqarýshy organ ókilderi jáne polıtsııa qyzmetkerleri jumys istedi.
Bul jumys kóktemgi sý tasqynynyń aldyn alý sharalary aıasynda júrgizilip jatyr. Muzdyń kóbesi sógilip, seń júrip, kesek muz keptelis týdyrýy múmkin. Saldarynan sý deńgeıi kóterilip, ózen-kólder arnasynan asyp, tasıdy. Ári qatty ekpinmen kelgen muz kesekteri joldaǵyny buzyp ótedi. Byltyr SQO-daǵy birneshe aýyl jaryqsyz qaldy.
Petropavl qalalyq ákimdigi 12 naýryz kúni oblys ortalyǵynyń Oıqala jáne baý-baqsha seriktestikteriniń mańynda Esil ózeninde muz jarý jumysy júrgiziletinin eskertti. Sondyqtan mundaı jumys atqarylǵanda muz ústine shyǵý qaýipti jáne jumys atqarylyp jatqan aýmaqqa jaqyndaýǵa tyıym salynady.
Buǵan deıin SQO-ǵa kóktemgi tasqynmen kúreske Qaraǵandy oblysynan 50 áskerı qyzmetshi kelgenin jazǵan edik.