SQO-da osy ýaqytqa deıin saılaýshylardyń jartysyna jýyǵy daýys berip úlgerdi

PETROPAVL. QazAqparat – Soltústik Qazaqstan oblysynda aýyl ákimderiniń saılaýy belsendi ótip jatyr. Keı aýdandarda osy ýaqytqa deıin saılaýshylardyń 60%-dan artyǵy daýys berip úlgerdi, dep habarlaıdy QazAqparat tilshisi.

SQO-da búgin ákimderdi saılaý aýdandyq mańyzy bar Mamlıýtka qalasynda jáne 70 aýyldyq okrýgte ótip jatyr. Barlyǵy 218 eldi meken turǵyndary saıası mańyzy zor naýqanǵa qatysyp jatyr.

Aýmaqtyq saılaý komıssııalary usynǵan derekterge sáıkes, jalpy oblysta 174 saılaý ýchaskesi jumys istep jatyr. Barlyq 13 aýdandy da qamtyǵan.

«Oblys boıynsha saılaý bıýlletenderine ákimdikke 214 kandıdat engizildi. Úsh okrýgte bir orynǵa 2 kandıdattan, 64 okrýgte – 3 kandıdattan jáne tórt okrýgte – 4 kandıdattan úmitker engizildi.Barlyq saılaý ýchaskelerinde saılaý komıssııalary tolyq quramda jumys istep jatyr», - deıdi SQO saılaý komıssııasynyń tóraǵasy Tilegen Qaskın.

Oblystyń aýmaqtyq saılaý komıssııalary usynǵan derekter boıynsha, osy ýaqytqa deıin saılaýshylardyń 44 %-dan artyǵy óz tańdaýlaryn jasap úlgerdi. Daýys berýshilerdiń belsendiligi boıynsha Ýálıhanov aýdany alda keledi. Munda 587 saılaýshy bolsa, solardyń 63,74 %-y daýys berdi. Saılaýshylarynyń kóptiginen birinshi orynda turǵan Aqqaıyń aýdanynda turǵyndardyń 52 %-y óz tańdaýlaryn jasady. Ázirge saılaýǵa qatysýdan Ǵ.Músirepov atyndaǵy aýdan 32,37 %-ben artta keledi.