SQO-da órtengen úıden taǵy bir adamnyń denesi tabyldy

PETROPAVL. KAZINFORM – Soltústik Qazaqstan oblysy Stýpınka aýylynda bolǵan órtten taǵy bir adamnyń denesi tabyldy. Bul týraly SQO tótenshe jaǵdaılar departamenti habarlady. 

Órt bolǵan úıde er adam tórt balasymen turǵan. Áıeli birneshe jyl buryn kóz jumǵan. 

Shal aqyn aýdany ákimdiginiń málimetinshe, úı ıesi 1984 jyly týǵan er adam, jergilikti sharýashylyqtardyń birinde jumys istegen. Tuńǵyshy 18 jastaǵy qyz bala, mektepte vahter bolǵan. Odan bólek úıde 6, 5 jáne 2 synyptarda oqıtyn ul-qyzdary turǵan. 

Al 16 jastaǵy uly Petropavlda oqyp jatyr. Oqıǵa kezinde ol úıde bolmady. 

Otbasy turmysy nashar retinde de, basqa da eshqandaı tirkeýge alynbaǵan eken. 

Esterińizge salaıyq, búgin túnde SQO Shal aqyn aýdany Stýpınka eldi mekeninde jeke turǵyn úı órtendi. Mamandar oqıǵa ornynda jumys istep jatyr.