SQO-da KVI juqtyrǵan 350-den astam adam statsıonarlarda em alyp jatyr

PETROPAVL. QazAqparat – Soltústik Qazaqstan oblysynda ótken táýlikte 72 adam koronavırýs juqtyrsa, bir adam ınfektsııadan qaıtys boldy, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, óńirde 334 adam PTR-test tapsyrǵan, solardyń 72-sinde nátıje oń boldy. Qazir ınfektsııalyq statsıonarlarda 354 adam em alyp jatyr, emdeý mekemeleri 24 %-ǵa júktelgen. Budan basqa 13 adam karantınde jáne 23 syrqat jansaqtaý bólimshelerinde jatyr.

Ótken táýlikte koronavırýs juqtyrǵan bir adam kóz jumdy, osylaısha barlyq qaıtys bolǵandar sany 478-ge jetti.

SQO-da kúndelikti KVI juqtyrǵandar sany bir aptanyń ishinde shamamen eki esege qysqardy. Epıdemıologııalyq jaǵdaı turaqtanyp keledi. Jalpy indet taraǵaly 43 617 adam aýyrsa, sonyń 41 435-i táýir bolyp jazylyp shyqty.