SQO-da KVI juqtyrǵan 23 adam jansaqtaý bólimshesinde jatyr

PETROPAVL. QazAqparat – Soltústik Qazaqstan oblysynda ótken táýlikte 143 adamda koronavırýs anyqtalyp, bir adam dertten kóz jumdy, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, 13 aqpan kúni oblysta 961 adam PTR-test tapsyryp, sonyń 143-inde nátıje oń boldy. Qaýipti vırýsty juqtyrǵandar sany azaıyp keledi. Osydan shamamen eki apta buryn kúndelikti syrqattanǵandar 400-diń ústine shyqqan edi. Mamandar aýrýshańdyqty «omıkron» shtamynyń taralýymen túsindirdi.

Qazirgi ýaqytta óńirdiń emdeý mekemelerinde 418 adam em alyp jatyr, statsıonarlar 28 %-ǵa júktelgen. Karantınde 33 adam, al jansaqtaý bólimshelerinde 23 syrqat bar. Juqtyrý kórsetkishi, ádettegideı Petropavlda jáne Jambyl, Qyzyljar, M.Jumabaev, Taıynsha aýdandarynda joǵary.

Jalpy SQO-da indet bastalǵaly 42 940 adam koronavırýs juqtyrdy, 40 251-i jazylyp shyqty. Ótken táýlikte bir adam qaıtys bolyp, ólim-jitim kórsetkishi 473-ke jetti.