SQO-da kórmege Músirepovtiń «Ulpan» romanynyń qoljazbasy qoıyldy

PETROPAVL. QazAqparat - SQO tarıhı-ólketaný murajaıynda Ǵabıt Músirepovtiń týǵanyna 115 jyl tolýyna arnalǵan «Darhan daryn» atty kórme ashyldy, dep habarlady «QazAqparat» HAA tilshisi.

Kórmege murajaı qorynan  Músirepovtiń bilim alǵan jyldary, otanyna kelgen kezeńderi beınelengen fotolar usynyldy. Túrli konferentsııalar men kezdesýlerge qatysqany, jazýshy stsenarııimen qoıylǵan fılmder men spektaklderlen úzindiler kórsetildi.

 

Eksponattardyń ishinde Músirepovtiń jumys papkasy, jeke zattary, onyń ishinde kostıými men aıaq kıimi de bar, «Qazaq soldaty», «Oıanǵan ólke», «Ulpan» jáne t.b. kitaptary qoıyldy.

 

Basty jádiger - «Ulpan» qoljazbasynyń úzindisi.

 

Muraıjaıdy tanystyrýshy Gúljaýhar Sádýaqasova Músirepov óz kitaptaryn arab árpimen kádimgi qaryndashpen jazǵandyǵyn aıtty. Ol «Ulpan» romany  240 betten turatynyn, onyń biri kórmege qoıylǵanyn atap ótti.

 

22 naýryzda Ǵabıt Músirepovtiń týǵanyna 115 jyl tolady. Ol SQO Jambyl aýdany Jańajol aýylynda dúnıege kelgen. Onyń esimi Petropavlda kóshege jáne aýdandardyń birine berildi.

 

Óńirde mereıtoılyq kúnge arnalǵan birqatar sharalar josparlanǵan. Onyń ishinde kórme, shyǵarmashylyq, mýzykalyq keshter, ádebıet saǵattary jáne t.b. bar.