SQO-da Kókshetaý turǵynynan 4 keli esirtki tárkilendi
SQO polıtsııa departamenti baspasóz qyzmetiniń málimetinshe, 29 jastaǵy Kókshetaý turǵyny birer aı buryn jedel ýákilderdiń nazaryna iligedi. Esirtki qylmysyna qarsy kúres bólimshesi qyzmetkerleriniń jedel is-sharalary nátıjesinde onyń izine túsýge, «isker» qala turǵynynyń ýaqytsha turǵylyqty jerin anyqtaýǵa múmkin boldy. Kúdikti sońǵy úsh aıda Ǵ.Músirepov atyndaǵy aýdan ortalyǵy Novoıshımskoe aýylynda turǵan. Úıden polıtseıler sómke, sporttyq sómke men ósimdik zattary salynǵan rıýkzak, temeki shegýge arnalǵan plastıkalyq qural tapty. Sondaı-aq, ustalǵan adamnyń kóliginen jáne garajdan aldyn ala oralǵan esirtki zattary tárkilendi.
«Sot-hımııalyq tergeý qorytyndysyna sáıkes, alynǵan zattar salmaǵy 4 keliden asatyn keptirilgen marıhýana jáne jalpy salmaǵy 242 gramm gashısh bolyp tabylady. Bul óte iri kólem bolyp sanalady. Qazirgi ýaqytta tergeý amaldary júrgizilip jatyr», - deıdi SQO PD Esirtki qylmysyna qarsy is-qımyl basqarmasy bastyǵynyń mindetin atqarýshy Ivan Terzıdı.
Jyl basynan beri polıtseıler Soltústik Qazaqstan oblysynda 159 esirtki qylmysyn anyqtady. 307 keliden astam túrli esirtki zattary tárkilendi, onyń ishinde 4 keliden astamy sıntetıkalyq esirtki bar. SQO PD esirtki zattarynyń taralýyna qatysty kez-kelgen faktini habarlaýǵa bolatyn 8 7152 39-41-93 - senim telefonyn eske salady. Sondaı-aq, WhatsApp-ta 8-707-500-96-65 nómiri boıynsha «qaýyrt jeli» iske qosylǵan.
