SQO-da qyzylshamen aýyrǵandar sany 14 esege artty

PETROPAVL. KAZINFORM – Soltústik Qazaqstan oblysynda bıylǵy 10 aıda qyzylshany juqtyrýdyń 325 jaǵdaıy tirkeldi. Bul ótken jyldyń uqsas kezeńimen salystyrǵanda 14 ese artyq.

Byltyr SQO-da uqsas kezeńde qyzylsha juqtyrǵan 30-ǵa jýyq adam dárigerge qaralǵan. Al 2022 jyly qyzylshamen aýyrýdyń bir de bir jaǵdaıy tirkelmegen. 

Oblystyq sanıtarııalyq-epıdemıologııalyq baqylaý departamentiniń málimetinshe, qyzylsha oblystyń barlyq aýmaqtarynda tirkelip jatyr. Naýqastardyń eń kóp úles salmaǵy Petropavlǵa tıesili, munda syrqattanýdyń 201 jaǵdaıy anyqtaldy. Aqqaıyń aýdany — 27 adam, Ǵ. Músirepov aýdanynda — 24, Taıynsha aýdanynda — 16, Qyzyljar aýdany — 15 adam aýyrsa, qalǵan aýdandarda juqtyrǵandar sany onnan tómen. 

Naýqastardyń 54% — 14 jasqa deıingi bala.

Mamandardyń aıtýynsha, qyzylsha — aýa arqyly beriletin qaýipti ınfektsııalyq aýrý. Asqynǵan jaǵdaıda pnevmonııa, entsefalıt sııaqty aýrýlarǵa ulasýy múmkin. 

Aldyn alýdyń birden-bir tıimdi joly — vaktsınatsııa. Qyzylshanyń odan ári taralýyn boldyrmaý úshin ekpe qoıdyrý qajet. 

Vaktsınatsııa tirkelgen jeri boıynsha medıtsınalyq uıymda júrgiziledi.

Buǵan deıin SQO-da bıyl turǵyndardyń basym bóligi júıke jáne qan aınalym júıesiniń aýrýlarynan qaıtys bolǵanyn jazǵan edik.