SQO-da kartop pen qııardyń baǵasy túser emes

PETROPAVL. KAZINFORM – Soltústik Qazaqstan oblysynda shildede ınflıatsııa jyldyq esepteýmen alǵanda 9% qurady. Ótken jylmen salystyrǵanda, azyq-túlik taýarlary – 6%, azyq-túlik emes taýarlar – 7, aqyly qyzmetter – 14% ósti.

Ulttyq statıstıka bıýrosy SQO boıynsha departamenti baspasóz qyzmetiniń málimetinshe, ótken jyldyń shildesinen osy shildege deıin jas jemister – 23%, jańa aýlanǵan nemese salqyndatylǵan balyq – 12, toqash jáne unnan daıyndalǵan kondıter ónimderi 7% qymbattaǵan. Jarmalar kerisinshe, 24% arzandasa, kúrish baǵasy aspandap, 29% qymbattady. Baǵalar temeki ónimderine – 21%, alkogoldi ishimdikterge – 13, alkogolsiz sýsyndarǵa 7% ósken. Jas kókónisterge baǵalar 4% ósti, sonyń ishinde qııarǵa – 35, kartopqa – 28, sábizge – 17, qyzylsha 1% qymbattady, qant 4% arzandady.

Bir jyl ishinde jeke tutyný buıymdary, prıborlar jáne taýarlar – 14%, farmatsevtıkalyq ónimder – 9, kıim jáne aıaq kıim 9% qymbattady. Suıytylǵan gaz quny 9% ósse, motor maıy endi 12% qymbatqa satylyp jatyr. Jýý jáne tazalaý quraldaryna baǵalar 4% tómendegen.

Baılanys qyzmetteriniń baǵalary 6% ósti, onyń ishinen uıaly baılanys qyzmetteriniń tarıfi 22% qymbattaǵan. Demalys, oıyn-saýyq jáne mádenıet salasyndaǵy qyzmetter quny – 10%, qoǵamdyq tamaqtandyrý qyzmetteri 12% ósti. Shashtaraz jáne jeke qyzmet kórsetý mekemeleri qyzmetteriniń qunyn 18% arttyrdy.

Buǵan deıin SQO-da «jasyl eldikterdiń» qataryna 860 jas alynyp, olardyń tazalyq aktsııalaryna atsalysyp jatqanyn jazǵan edik.