SQO-da qańtar aıynda 740 sheteldik tirkeldi
SQO polıtsııa departamenti baspasóz qyzmetiniń málimetinshe, qańtar aıynda óńirde 740 sheteldik tirkelgen, onyń 612-si Reseı azamaty. Reseılikterdiń 446-sy oblysqa kelýiniń negizgi maqsaty retinde jumysqa ornalasýdy kórsetken.
Bıyl 27 qańtarda QR kóshi-qon zańnamasyna ózgerister engizildi. Alaıda kópshilik odan beıhabar. Kóshi-qon qyzmetiniń qyzmetkerleri sheteldik azamattardyń elde bolý erejelerindegi jańalyqtardy túsindire otyryp, aqparattyq jumys júrgizedi.
«Qazaqstanǵa vızasyz kirýge ruqsat etilgen basqa memleketterdiń azamattary bizdiń elimizde 30 kúnge deıin merzimde bola alady. Eki ret olar «vızaran» dep atalatyn tájirıbeni qoldana alady, bul elden qysqa merzimdi shyǵý tájirıbesi, ol bolý merzimin resmı túrde jańartý úshin qajet. Buryn mundaı saparlardyń sany shektelmegen edi. Endi 180 kún ishinde QR-da bolýdyń jıyntyq merzimi 90 kúnnen aspaýy tıis. Eýroodaq elderiniń azamattary Qazaqstanda 90 kún úzdiksiz bola alady. Osydan keıin respýblıka qonaqtary kem degende kelesi 90 kúnge ketýi kerek. Sodan keıin ǵana qaıta kelýge bolady. Bul shekteýler QR-da bolý kezeńinde ýaqytsha turýǵa ruqsat nemese vıza resimdegen sheteldikterge qoldanylmaıdy», - deıdi SQO PD kóshi-qon qyzmeti basqarmasynyń bastyǵy Talǵat Ábilov.
Mamannyń aıtýynsha, jańa erejeler QR Kóshi-qon zańnamasyn kóptegen memleketterdiń, sonyń ishinde TMD quramyna kiretin memleketterdiń normalaryna sáıkestendirdi.
