SQO-da ıt qapqan adamdardyń sany artty
PETROPAVL. KAZINFORM – Soltústik Qazaqstan oblysynda ıt qaýyp, dárigerge qaralǵan adamdardyń sany artty. Sanıtar dárigerler muny sý tasqynymen baılanystyryp otyr.
SQO sanıtarııalyq-epıdemıologııalyq baqylaý departamenti asa qaýipti ınfektsııalar men týberkýlezdi epıdemıologııalyq qadaǵalaý bóliminiń basshysy ıÝlııa Gaısınanyń aıtýynsha, jyl basynan beri óńirde ıt-mysyqtan, jabaıy janýarlardan zardap shekken 236 adam dárigerge qaralǵan. Bul ótken jyldyń uqsas kezeńimen salystyrǵanda 11,8% kóp.
«Zardap shekkenderdiń 155-in nemese 65,7% ıt qapqan, 69 adam nemese 29,2% mysyqtan zardap shekken, bir adamdy túlki qapsa, 6 adamdy jylqy tistep alǵan. Sondaı-aq 5 adam tyshqandar men egeýquıryqtardan zardap shekti.
Antırabııalyq kómekke júginý Aıyrtaý aýdanynda 11 jaǵdaıǵa, Aqjar aýdanynda 5 jaǵdaıǵa, Ǵ. Músirepov aýdanynda 18 jaǵdaıǵa, Esil aýdanynda 7 jaǵdaıǵa, M. Jumabaev aýdanynda 3 jaǵdaıǵa jáne Taıynsha aýdanynda 6 jaǵdaıǵa artyp otyr», - deıdi ıÝlııa Gaısına.
Mamannyń aıtýynsha, barlyq jaǵdaılar boıynsha epızootologo-epıdemıologııalyq tergeý júrgizildi. Ótinish bildirgenderdiń ishinen 236 adam ekpe aldy.
Sondaı-aq, sý tasqyny kezinde Petropavldaǵy kópsalaly qalalyq aýrýhananyń travmatologııalyq pýnktine antırabııalyq kómek alý úshin 14 volonter men qutqarýshy júgingen. Olardy ýaqytsha ustaý pýnktterindegi ıtter qaýyp alǵan.
«Qoldanystaǵy erejelerge sáıkes ıtterdi baılap nemese qorshaýda ustaý kerek, serýendeýge qarǵybaýmen jáne tumyldyryqpen shyǵarý qajet. Bul úı janýarlarynyń qańǵybas ıttermen jáne aýrý jabaıy janýarlarmen baılanysyna jol bermeý úshin kerek. Barlyq ıtter qutyrma aýrýyna qarsy egilýi kerek.
Óıtkeni SQO qutyrma aýrýynyń tabıǵı oshaǵy aımaǵynda ornalasqan. Ásirese qysqy-kóktemgi kezeńde epızootııalyq belsendilik baıqalady, bul kezde qaýipti vırýsty jabaıy janýarlar ıt-mysyq, aýylsharýashylyq janýarlaryna juqtyryp, saldarynan adamdardyń aýyrý qaýpi artady», - deıdi sanıtar dáriger.
SQO-da qutyrma aýrýy 1998 jyldan beri tirkelmegen.
«Qutyrma aýrýy - ortalyq júıke júıesine áser etetin vaktsınamen baqylanatyn zoonozdy vırýstyq aýrý. Klınıkalyq sımptomdary paıda bolǵan jaǵdaıda 100% ólimmen aıaqtalady. Qutyrma vırýsyn adamdar 99% ıtten juqtyrady. Infektsııa adamdar men janýarlarǵa silekeı, ádette qapqan kezde nemese jaralarǵa, shyryshty qabattar - mysaly, kóz, aýyz qýysyna túsý arqyly juǵady.
Qutyrmaǵa qarsy em joq. Aýrýdy tek vaktsınatsııa arqyly boldyrmaýǵa bolady. Profılaktıkalyq egýler jeńil ótedi. Vaktsınatsııa kezinde dárýmender men aqýyzdarǵa baı tamaq iship, gıpotermııadan, ystyqtaýdan, denege shamadan tys salmaq salýdan aýlaq bolý kerek, sonymen qatar alkogoldik ishimdikterdi tutynýdan bas tartqan jón», - deıdi ıÝlııa Gaısına.
Mamannyń aıtýynsha, ıt qapqan jaǵdaıda tisi tıgen jerdi dereý sabynmen jáne sýmen kem degende 15-20 mınýt boıy jýýy kerek, jaranyń shetin 70% spırtpen nemese 5% ıod tunbasymen óńdep, qutyrmaǵa qarsy vaktsına qoıdyrý úshin medıtsınalyq mekemege múmkindiginshe erterek júginý kerek. Ekpe tegin jasalady.
