SQO-da er adam qudyqqa qulap ketip, mert boldy

PETROPAVL. KAZINFORM – SQO-da abaısyzda qudyqqa qulap ketken azamat mert boldy. 

Soltústik Qazaqstan oblysy Esil aýdany Chırıkovka aýylynyń 38 jastaǵy turǵyny qudyqtan sý ákelmek bolǵan. Kóp ótpeı onyń denesi qudyq ishinen tabyldy. 

SQO polıtsııa departamenti baspasóz qyzmetiniń málimetinshe, qazirgi ýaqytta qylmystyq is qozǵaldy. Tergeý amaldary júrgizilip jatyr. 

Chırıkovka eldi mekeni turǵyndarynyń aıtýynsha, aýylda kolonkalarǵa sý kúnine eki ret qana beriledi. Tańǵy ýaqytta saǵat 8.00-den 9.00-ge deıin jáne keshke saǵat 17.00-den 18.00-ge deıin.

Qalǵan ýaqytta úıine sý kirgizip almaǵandar qudyqtan alýǵa májbúr. 

Abaısyzda mert bolǵan er adam aýylda túrli jumys atqarǵan. Úsh jasar qyzy bar. 

Esterińizge salaıyq, Petropavlda az ýaqyt ishinde qatarynan úsh áıeldiń joǵarǵy qabattan qulaǵanyn jazǵan edik.