SQO-da energetık sýsyndy kóp tutynatyn sarbazdyń júregi toqtap qaldy
Bul jaıynda SQO Jedel medıtsınalyq kómek kórsetý ortalyǵynyń dırektory ıÝrıı Belonog áleýmettik jelidegi paraqshasynda jazdy.
Áskerı bólimge shaqyrtý tús kezinde túsken. Feldsherler Talǵat Qasenov pen Ekaterına Shmıdt, júrgizýshi Mergen Ádilbaevtyń brıgadasy oqıǵa ornyna úsh mınýttan soń kelgen. Tekserý kezinde 21 jastaǵy naýqas es-tússiz jatqan, tipti, tynys almaı, júrek qaǵysy bolmaǵan.
«Bizdiń qyzmetkerler ASLC halyqaralyq standarty boıynsha reanımatsııalyq is-sharalar jasady. Ókpeni jasandy jeldetý jáne defıbrıllıatsııamen júrek-ókpe reanımatsııasynyń alty tsıklynan keıin 30-shy mınýtta júrek qyzmeti qalpyna keltirilip, ózdiginen tynys alý paıda boldy. Naýqas kópbeıindi qalalyq aýrýhanaǵa jetkizildi. Dmıtrıı Flerko basqaratyn reanımatsııa bólimi mamandarynyń arqasynda patsıent oń dınamıkamen bólimshege aýystyryldy», - deıdi ıÝrıı Belonog.
Dárigerdiń aıtýynsha, júrek qyzmetiniń toqtap qalýynyń sebebi – energetıkalyq sýsyndardy shamadan tys kóp paıdalaný bolýy múmkin.
