SQO-da endi qylmystyq isterdi tergeý jumystaryn onlaın baqylaýǵa bolady
Іshki ister departamenti baspasóz qyzmetiniń habarlaýynsha, qylmystyq ister endi elektrondy formatta júrgiziletin bolady. Tártip saqshylary ınnovatsııalyq tásil ýaqtty únemdeıtinin aıtady. Tsıfrlyq qoltańba arqyly qujat aınalymy tolyqtaı anyqtaýshynyń kabınetinde júrgiziledi.
Polıtseılerdiń aıtýynsha, atalmysh júıe tolyqtaı iske qosylǵan soń, qadaǵalaýshy organdar men zardap shegýshiler istiń qalaı júrip jatqanyn onlaın rejımde baqylap otyratyn bolady.
«Jańa júıe arqyly kez kelgen adam tergeý baǵytynda qandaı sharalardyń atqarylǵandyǵyn jáne qandaı sharalardyń josparlanyp otyrǵandyǵyna jeke ózi kóz jetkize alady. Elektrondy qylmystyq ister, júrgizilip jatqan is boıynsha qandaı da bir qıturqylyqtardyń bolýyna jol bermeıdi»,-dep atap ótti anyqtaý bóliminiń bastyǵy Erbol Bekturov.
Búginde departament ókilderi qylmystyq isterdi elektrondy formatta júrgizýge múmkindik beretin qurylǵynyń 53 danasyn alǵan. Osy ýaqytqe deıin nebári 19 jumys orny qajettiliktermen qamtamasyz etilip úlgergen edi jáne olardyń basym bóligi Petropavlda bolatyn. Endi qajetti baǵdarlamalarmen qamtamasyz etilgen kompıýterler ár aýdanda bar. Bul shaǵymdy tirkeý men ony sotqa joldaýǵa deıingi aralyqtaǵy anyqtaý jumystaryn tsıfrly formatta júzege asyrýǵa múmkindik beredi.
Jyl basynan beri óńirde elektrondy formattaǵy Sotqa deıingi tergeý biryńǵaı reestrine 468 qylmystyq is tirkelgen.