SQO-da elikterdi atqan brakonerler qashyp qutylmaq boldy
SQO polıtsııa departamenti baspasóz qyzmetiniń málimetinshe, 20 aqpanǵa qaraǵan túni Tımırıazev aýdanynda qoryqshy orman mańyndaǵy jolda «JAC» pıkabyn baıqaıdy. Kólikke eki adam atyp alǵan janýardyń etin tıep jatqan. Qoryqshynyń «toqta» degen belgisine moıyn buryp ta qaramaı, olar sheteldik kólikke otyryp, taıyp turǵan.
Tabıǵatty qorǵaýshy birden aýdandyq polıtsııa bóliminiń kezekshi bólimine júgindi. Tártip saqshylary shuǵyl qımyldap, brakonerlerdiń izine túsip, ustady.
Kólik salonynda ańshy qarýy, shanaǵynda qan izi tabyldy. Kúdiktiler elik etin jolda laqtyryp ketipti.
Jedel-izdestirý is-sharalary kezinde ustalǵandardyń aıtýymen Tımırıazev eldi mekeninen 10 km jerde polıtseıler eki eliktiń etin taýyp alady.
Atalǵan fakti «Zańsyz ańshylyq» baby boıynsha Sotqa deıingi tergep-tekserýlerdiń biryńǵaı tizilimine engizildi. Osy qylmysty jasady degen kúdikpen Shal aýdany ortalyǵy Sergeevkanyń 36 jastaǵy turǵyny men Aqtóbe qalasynyń 46 jastaǵy turǵyny ustaldy. Olar ýaqytsha ustaý ızolıatoryna qamaldy.