SQO-da eldi mekenderdiń 59 paıyzynda ǵana mádenıet nysandary bar

PETROPAVL. KAZINFORM – Soltústik Qazaqstan oblysynda mádenıet nysandary jetispeıdi.

SQO mádenıet, tilderdi damytý jáne arhıv isi basqarmasynyń basshysy Sanat Áýbákirovtyń aıtýynsha, byltyr Aqjar, Esil jáne Tımırıazev aýdandarynda eki aýyldyq klýb, eki mádenı-saýyqtyrý ortalyǵy jáne bir mádenı-demalys ortalyǵy salyndy. 

- Turǵyn sany 800-den asatyn aýyldyq eldi mekenderde mádenı-demalys ortalyqtary bolýy tıis. Óńirde osyndaı 13 aýylda mádenı nysan joq. Máselen Aıyrtaý aýdanynyń Imantaý aýylynda 1809 adam jáne Lobanov eldi mekeninde 1096 adam, Aqqaıyń aýdany Tokýshı aýylynda 1681 adam, Qyzyljar aýdany Báıterek aýylynda 1709 adam turady.

Osyǵan baılanysty aýdan ákimdikteri atalǵan eldi mekenderde mádenıet nysanyn salý máselelerin sheshýi qajet, - deıdi basqarma basshysy.

Qazirgi ýaqytta Aqqaıyń, Aıyrtaý jáne Shal aqyn aýdandarynda 5 mádenıet nysanyn salýǵa jáne Jambyl aýdanynda 2 nysandy qaıta jańartýǵa jobalyq-smetalyq qujat ázirlengen. Aıyrtaý aýdany Imantaý aýylynda klýbty salýǵa ǵana 803,4 mln teńge qajet. 

Mamannyń aıtýynsha, qazirgi ýaqytta aýyldyq jerde 262 klýbtyq uıym jumys isteıdi, 215 myń adamdy nemese aýyl halqynyń 80% qamtyǵan. 

Oblystyń klýbtyq mekemelermen qamtamasyz etilýi 41,8%, onyń 171 - memlekettik, 93 - basqa menshik nysandary.

- Búginde oblystyń eldi mekenderin mádenıet nysandarymen qamtamasyz etý - 59%. Mádenıet nysandarynyń sanyn kóbeıtý boıynsha júıeli jumystar júrgizilip jatyr.

Byltyr salaǵa 14,4 mlrd teńge bólindi, bıyl da shamamen sol mejede.

Eki jyl ishinde 46 mádenıet nysany jóndeldi. Bıyl taǵy 12-sin jónge keltiremiz, taǵy 6 nysan qosymsha qajettilikke engizilgen, - deıdi Sanat Áýbákirov.

Buǵan deıin SQO-da 350-ge jýyq aýyl-kóshe ataýy aýystyrýdy qajet etetindigin jazǵan edik.