SQO-da eko-volonterler senbilikter maýsymyn japty
Uıymdastyrýshylardyń aıtýynsha, «Ekologııalyq barlaý» jobasy ekologııalyq máselelerdi sheshýge, tabıǵatqa uqypty qaraýdy nasıhattaýǵa baǵyttalǵan. Onyń aıasynda buǵan deıin Petropavldaǵy Pestroe kóliniń jáne Esil ózeniniń jaǵalaýlary qoqystan tazartyldy. Bul joly volonterler turǵyndardyń jazdaǵy súıikti demalys orny, Esil ózeniniń qumdy jaǵasynda ornalasqan «Zolotye peskı» jaǵajaıyna keldi.
«Senbiliktiń bolatyndyǵy jóninde birer apta buryn gazet, áleýmettik jeli arqyly jar saldyq. Búgin kúnniń sýyqtyǵyna qaramaı 100 shaqty adam qaıyrymdylyq is-sharasyna qatysýǵa keldi. Olardyń ishinde turaqty qatysatyn volonterler de, birinshi ret kelgen qala turǵyndary da bar. Bıyldyqqa sońǵy senbilik bolǵandyqtan, ony erekshe uıymdastyryp jatyrmyz. ıAǵnı, 2-3 adamnan komandaǵa bólinip, qoqys jınaýdan ózara jarysady. Jeńimpazdarǵa syılyqtarymyz bar», - deıdi «Ekologııalyq barlaý» jobasynyń úılestirýshisi Azat Jumaǵulov.
Volonterler qoqysty suryptaı otyra, ıaǵnı qaıta óńdeýge bolatyn shyny, qańyltyr, plastıkti bólip jınady. Qoqystyń bul túri zaýytqa jiberiledi. Buǵan deıin senbilikterde ózen-kóldiń jaǵalaýynan osyndaı 226 keli qaldyq alynsa, bul joly volonterler óńdeýge keletin 118 keli qoqys jınady.