SQO-da eki adam bıyl brýtsellez juqtyrdy

PETROPAVL. KAZINFORM — Soltústik Qazaqstan oblysynyń eki aýdanynda brýtsellez juqtyrý deregi tirkeldi. Aýyrǵandardyń bireýi — veterınar.

Ol Qyzyljar aýdanynyń Presnovka aýylynda mal dárigeri bolyp jumys istegen. Dárigerlerdiń aıtýynsha, qazir jaǵdaıy qanaǵattanarlyq. Dıspanserlik esepke alynǵan naýqas aıyqqansha baqylaýda bolady.

Qaýipti ınfektsııany júutyrǵandardyń ekinshisi — Aıyrtaý aýdanynyń turǵyny. Ol aýrý maldyń ónimin tutynǵan bolyp shyqty.

— Brýtsellez aýrýyn juqtyrǵandar 45 kún em alýy tıis. Onyń 20 kúni statsıonarlyq jaǵdaıda ótedi. Eki túrli antıbıotık egiledi. Ádette juqtyrǵan adamnyń dene qyzýy kóteriledi. Bulshyqetteri aýyrady. Jambas, san býyndary syrqyrap aýyrady. Brýtsellez qaýipti dert, asqynýy múmkin. Dıagnoz qoıylǵan jaǵdaıda syrqatty qosymsha nevropatolog, revmatolog, travmatologtar da qaraıdy. Sebebi, brýtsellez júıke júıesin zaqymdaıdy, «nevrıt» paıda bolýy múmkin. Bulshyq etterdi zaqymdaıdy «melıt» paıda bolýy múmkin jáne iri býyndarda «artrıtter» paıda bolýy múmkin. Brýtsellezdiń ózi 45 kúnde emdelgenimen onyń aóqynystary uzaq jyldarǵa ketedi. ıAǵnı uzaq jyldar boıy dárigerdiń baqylaýynda bolady, — deıdi ınfektsıonıst-dáriger Abylaıhan Tańatar.

Mamannyń aıtýynsha, ınfektsııa adamnan adamǵa juqpaıdy, tek janýarlardan ǵana juqtyrý múmkin. Al janýarlarǵa kene arqyly juǵady. 

— Brýtsellez qozdyrǵyshy óte sezimtal keledi. 100 gradýstan joǵary jáne 10 gradýs tómen temperatýrada joıylady. Al ette 150 kúnge deıin tura beredi. Sol sebepti mal ónimderin termııalyq óńdep tutynǵan durys, — deıdi Abylaıhan Tańatar.

Buǵan deıin Batys Qazaqstanda 26 adam brýtsellez juqtyrǵanyn jazǵan edik.