SQO-da brakonerler tórt elikti atyp alǵan
SQO Polıtsııa departamenti baspasóz qyzmetiniń málimetinshe, Mamlıýt aýdanynyń tabıǵatty qorǵaý polıtseıleri Meńgeser ańshylyq sharýashylyǵy qoryqshysymen kezekti birlesken reıdke shyqqan. Olar Katanaı eldi mekeniniń mańynda kúdik týdyrǵan «Nissan Hilux» avtokóligin toqtatqan. Rýlde Petropavldyń 37 jastaǵy turǵyny bolǵan. Odan basqa kólikte taǵy bir petropavldyq pen eki aýdan turǵyny otyrǵan.
Kólikti tekserý kezinde salonnan qynapqa salynǵan tegis uńǵyly qarý, 42 patrony bar oqshantaı, pyshaq tabyldy. Júksalǵyshtan tórt sibir eliginiń eti tabyldy. Atalǵan fakti «Zańsyz ańshylyq» baby boıynsha Sotqa deıingi tergep-tekserýlerdiń biryńǵaı tizilimine engizildi.
«Qazirgi ýaqytta eki qarýdyń ıesi 54 jáne 48 jastaǵy aýyl turǵyndary kúdikti dep tanyldy. Olar ýaqytsha ustaý ızolıatoryna qamaldy. Janýarlardyń denesi, qarý men avtokólik tárkilendi, qajetti saraptamalar taǵaıyndalyp, tergeý júrgizilip jatyr», - deıdi Mamlıýt aýdanynyń polıtsııa bóliminiń bastyǵy Serik Áljanov.
