SQO-da bir jylda azyq-túlik shamamen 10 paıyzǵa qymbattady

Soltústik Qazaqstan oblysynda jeltoqsanda ınflıatsııa deńgeıi jyldyq esepteýmen alǵanda 10,5 % qurady, dep habarlaıdy Kazinform.

Ulttyq statıstıka bıýrosynyń SQO boıynsha departamentiniń málimetinshe, baǵalar ótken jylǵy jeltoqsanda, 2022 jylǵy jeltoqsanmen salystyrǵanda, azyq-túlik taýarlaryna — 9,8%, azyq-túlik emes taýarlarǵa — 9, aqyly qyzmetterge — 13,8% ósti.

Bir jyl ishinde jumyrtqa — 14,8%, jańa aýlanǵan balyq — 14,1, jemisterge — 10, kondıter ónimderine — 9,3, etke — 8% qymbattaǵan.

Al jarmalar 6,9% arzandasa, kúrish 37,3% qymbattady.

Alkogoldi ishimdikterge de baǵa ósken, endi ol 18,7% qymbatqa satylady, alkogolsiz sýsyndar 16,4% qymbat. Kókónisterge baǵa 2,1% ósti, sonyń ishinde sábizge — 21,7, qyzylshaǵa — 19,1, qyryqqabatqa — 16,9% ósse, pııazǵa — 12%, kartopqa — 1,5% tómendedi. Qant 14% arzandady.

Buıymdar, prıborlar jáne jeke tutynýǵa arnalǵan taýarlar — 21,2%, jıhaz jáne úı turmysyna qajetti zattar — 20,3, kıim jáne aıaq kıim — 11,6, farmatsevtıkalyq ónimder — 9,4% qymbattady.

Kommýnaldyq tólemaqy 15,8% ósti, ambýlatorlyq qyzmetter — 14,7, shashtaraz jáne jeke qyzmet kórsetetin mekemeler qyzmetteri — 14,9, saqtandyrý qyzmetteri — 3,1% qymbattady.