SQO-da bir jyl ishinde qant pen jarmalar arzandady

PETROPAVL. KAZINFORM – Soltústik Qazaqstan oblysynda ınflıatsııa tamyzda jyldyq esepteýmen alǵanda 9,1% qurady. Ótken jyldyń uqsas kezeńimen salystyrǵanda azyq-túlik taýarlary 6%, azyq-túlik emes taýarlarǵa – 8, aqyly qyzmetter 14% ósti. 

Ulttyq statıstıka bıýrosy SQO boıynsha departamenttiń málimetinshe, byltyrmen salystyrǵanda baǵa aıtarlyqtaı ósken. Máselen jas jemister - 20%, jańa aýlanǵan nemese salqyndatylǵan balyq – 12, toqash jáne unnan daıyndalǵan kondıter ónimderi 7% qymbattaǵan. Kúrish baǵasy - 27% óskenimen, jalpy jarmalar 24% arzandap otyr.

Temeki ónimderi – 19%, alkogoldi ishimdikter – 13, alkogolsiz sýsyndar 7% qymbattaǵan. Kókónisterge baǵalar 9% ósti, sonyń ishinde qııarǵa – 36, kartopqa – 29, sábizge 6,3% artqan. Qant bıyl 4% arzandady.

Baǵalar jeke tutynýǵa arnalǵan taýarlar men prıborlarǵa – 13, kıim jáne aıaq kıimge – 9, farmatsevtıkalyq ónimderge 9% ósti. Motor maıy - 12%, suıytylǵan gaz 9% qymbattady.

Baılanys qyzmetterine baǵa 3% ósti, onyń ishinen uıaly baılanys qyzmetteriniń quny bir jyl ishinde 21% artyp otyr. Demalys, oıyn-saýyq jáne mádenıet salasyndaǵy qyzmetter - 7%, qoǵamdyq tamaqtandyrý oryndarynyń qyzmetteri 12% qymbattady. Shashtaraz jáne jeke qyzmet kórsetý mekemeleri qyzmetteriniń qunyn 18% ósirdi.

Buǵan deıin Petropavlda oqý jyly bastalǵanda jergilikti ýnıversıtet ǵımaraty apatty dep tanylǵanyn jazǵan edik.