SQO-da bir kúnde zańsyz elik atýdyń eki deregi tirkeldi
SQO polıtsııa departamenti baspasóz qyzmetiniń málimetinshe, Mamlıýt aýdany polıtsııa bólimine Esil aýdanyndaǵy ańshylyq sharýashylyǵy qyzmetkerlerinen elik atqan brakonerler týraly habarlama túsedi. Eki aýdannyń shekarasyndaǵy Novoe aýylynyń mańyna birden ýchaskelik polıtsııa ınspektory, aýdandyq polıtsııa bóliminiń basshylyǵy, sondaı-aq tabıǵatty qorǵaý polıtsııasy qyzmetkerleri barady. Jedel is-qımyl nátıjesinde ańshylyq sharýashylyǵynyń qyzmetkerleri jáne polıtseıler zańsyz ań aýlaǵandardy ustady. Audi 100 avtokóliginde 1976, 1980 jáne 1993 jyly týǵan Mamlıýt aýdanynyń úsh turǵyny bolǵan. Mashına salonynan tirkelmegen eki uńǵyly 12 kalıbrli IJ-58 ańshy myltyǵy jáne qan izderi bar tósenish, al birneshe metr júrgennen keıin atylǵan sibir eligi tabyldy.
Qazirgi ýaqytta «Zańsyz ańshylyq» baby boıynsha sotqa deıingi tergeý júrgizilýde. Kúdiktiler kelý týraly mindettememen bosatyldy. Birneshe saraptama taǵaıyndalyp, onyń nátıjeleri boıynsha túpkilikti protsessýaldyq sheshim qabyldandy.
Sibir eligin zańsyz aýlaýdyń taǵy bir deregi Shal aqyn aýdanynda tirkeldi. Polıtseılerge Alqaaǵash aýylynan shamamen 8 km jerde sibir eliginiń atylǵany jóninde habar túsedi. Oqıǵa ornyna polıtsııa qyzmetkerleri jetip, Alqaaǵash aýylynyń 1977, 1991 jáne 1993 jylǵy úsh turǵynyn ustady. Oqıǵa ornynan eliktiń eti, 12 kalıbrli eki gılza, sondaı-aq VAZ 2106 avtokóligi alyndy. Alynǵan elik eti saraptamaǵa jiberildi. Atalǵan fakti «Zańsyz ańshylyq» baby boıynsha Sotqa deıingi tergep-tekserýdiń biryńǵaı tizilimine engizildi. Ustalǵandarǵa qatysty kelý týraly bultartpaý sharasy taǵaıyndaldy, tergeý júrgizilýde.
Jyl basynan SQO polıtseıleri zańsyz ańshylyq boıynsha 17 qylmystyq is qozǵady.