SQO-da byltyr jóndelgen sý munarasy qatyp, aýyl bir aptadan beri sýsyz otyr
PETROPAVL. KAZINFORM – Soltústik Qazaqstan oblysy Shal aqyn aýdanyndaǵy Jańasý aýyly turǵyndary bir aptadan beri sýsyz otyr. Sý munarasy qatyp, isten shyqqan.
Jańasý aýyly turǵyndarynyń aıtýynsha, qys bastalǵaly olar sýdan mehnat kórip keledi.
Byltyr jóndeýden ótken sý munarasy eki kúnniń birinde isten shyǵady eken. Amaly quryǵan turǵyndar áleýmettik jelige beınejazba jarııalap, kómek surady.
«Bir apta boldy sýsyz otyrǵanymyzǵa. Kólikteri barlar ákelip jatyr. Munarany durys istemegen, sorǵy da qoımaǵan. Bir jerden shlanga shyǵarǵan, boldy. Aldynda aqsha bólip tórt kolonka ornatamyz degen. Ákim jumys istemeıdi. Únemi qatady, endi qaıta iske qosý úshin qyzdyrý kerek deıdi. Aýyldyń búkil jigitteri kelip qarap jatyrmyz. Osyǵan kómek kórsetseńizder», — deıdi Jańasý aýylynyń turǵyny.
Shal aqyn aýdany ákimdiginiń málimetinshe, byltyr Jańasý aýylynyń sý qubyry jelilerine aǵymdaǵy jóndeý jumystary júrgizilgen.
«Sý munarasy 1970 jyly salynǵan. Búgin munara qatyp qaldy. Qazir jylytý jumystary júrgizilýde. Olar erteń, ıaǵnı 26.01.2024 jyly aıaqtalady» delingen jaýapta.
Posmotret etý pýblıkatsııý v Instagram
