SQO-da bıyl prokýrorlardyń aralasýynan keıin 49 myń ga jer qaıtaryldy
PETROPAVL. KAZINFORM – Soltústik Qazaqstan oblysynda prokýrorlar aýyl sharýashylyǵy jerleriniń maqsatty qoldanylýyn tekserip, paıdalanylmaı jatqan jer telimderin anyqtaý jáne qaıtarý boıynsha júıeli jumystar júrgizip jatyr.
Bul jumystyń nátıjesi bar.
SQO prokýratýrasynyń málimetinshe, jyl basynan beri qadaǵalaý organy kadastrlyq quny 932 mln teńgeni quraıtyn jalpy aýdany 49 myń ga asatyn jerlerdi memleketke qaıtardy.
Aqjar, Taıynsha, Tımırıazev, Ýálıhanov aýdandarynyń jer paıdalanýshylarynan 42 jer telimi alyndy. Olar jer kodeksiniń talaptaryn buza otyryp, uzaq ýaqyt boıy aýyl sharýashylyǵy maqsatyndaǵy ýchaskeni durys paıdalanbaǵan.
Prokýrorlyq qadaǵalaý aktileri boıynsha jer memleketke qaıtaryldy, olar qazirgi ýaqytta zańdy ekonomıkalyq aınalymǵa tartylyp jatyr.
Jergilikti atqarýshy organdar Memleket basshysynyń bıylǵy 2 qyrkúıektegi Joldaýy aıasynda qaıtarylǵan jerlerdi aýyldyq jerlerde turatyn adal sýbektilerge paıdalanýǵa bermek.
Buǵan deıin SQO-da 45 eldi meken jabylatyndyǵyn aıtqan edik.