SQO-da bıyl «Ańsaǵan sábı» baǵdarlamasy aıasynda 21 otbasy sábıli boldy

PETROPAVL. KAZINFORM – Soltústik Qazaqstan oblysynda bıyl 1,5 myńnan astam náreste týsa, 22 bala – «Ańsaǵan sábı» baǵdarlamasy aıasynda dúnıege keldi. 

SQO perınataldyq ortalyqtyń málimetinshe, óńirge «Ańsaǵan sábı» baǵdarlamasy iske qosylǵaly 608 kvota bólingen. Ekstrakorporaldy uryqtandyrý 194 jaǵdaıda sátti aıaqtalyp, erli-zaıyptylar jyldar boıy kútken sábılerin baýyryna basty. Osy jyldar ishinde EKO arqyly týǵan nárestelerdiń 25-i – egiz, olardyń bireýi bıyl dúnıege keldi.

Jalpy SQO-ǵa 2022 jyly 201 kvota baǵdarlama aıasynda bólinip, 70 áıel sábıli boldy. Onyń 8-inde egizder dúnıege keldi. 

Byltyr 190 kvota berilip, 75 áıel nátıjesin kórdi. Búginde júkti áıelderdiń 21-i 22 náresteni ómirge ákeldi. Desek te bıyl týǵan balalardyń sany byltyrǵy osy kezeńmen salystyrǵanda anaǵurlym az. Máselen 2023 jyly qańtar-mamyr aralyǵynda 1 808 bala – 847 qyz, 961 ul jáne 27 egiz dúnıege kelgen. 

Bıyl jyl basynan beri 1 586 náreste týdy, onyń 780-i – qyz, 806 – ul bala. 19 egiz jaryq dúnıe esigin ashqan. 

Buǵan deıin Almatyda balalardy qorǵaý kúni qalaı toılanatynyn jazǵan edik.