SQO-da balalardy tegin úıirmemen qamtýǵa qosymsha 400 mln teńge bólindi
SQO bilim basqarmasynyń málimetinshe, óńirde 83 qosymsha bilim berý uıymy jumys isteıdi. Onyń 39-y – bilim berýge, 26-sy – sportqa, 6-sy mádenıetke qatysty. Qalǵan 12-si – jekemenshik mekemeler. Osylaısha qazirgi ýaqytta balalardyń 74 % qosymsha bilimmen qamtylǵan. Olar úshin mektepten tys uıymdarda da, mektepterde de 2 myńnan astam sektsııa men 3 myńǵa jýyq úıirme tegin uıymdastyrylǵan. Oqytý 8 baǵyt: ǵylymı-tehnıkalyq, ǵylymı-bıologııalyq (ekologııalyq), ınklıýzıvti, áleýmettik-pedagogıkalyq, kórkem-estetıkalyq, mýzykalyq-aspaptyq, sporttyq-saýyqtyrý men týrızm jáne ólketaný boıynsha júrgiziledi.
«Bilim, sport jáne mádenıet salalarynda qosymsha bilim berýge memlekettik tapsyrysty júzege asyrý aıasynda bıyl qosymsha 5 myń bala úıirmeler men sektsııalarǵa tegin qatysa alady. Bul maqsatqa 400 mıllıon teńge bólindi. Sáıkesinshe, bıylǵy jyldyń sońyna deıin balalardy qosymsha bilimmen qamtý 6 %, ıaǵnı, 74-ten 80 % deıin artady», – delingen baspasóz habarlamasynda.
Bilim berý tapsyrysy boıynsha Petropavl qalasynda ǵana 210 orynǵa tegin úıirmeler ashylmaq. Ol jerde balalar fortepıano, skrıpka, dombyra, gıtara, akterlik sheberlik, sýret salý, vokal, horeografııa ı shahmatty úırenedi.
Oqýshylar saraıynda qazirgi ýaqytta 95 úıirme bolsa, sonyń 88-ine balalar tegin qatysa alady. Bıylǵy jańa oqý jylynda aǵylshyn tilinde baǵdarlamalaý, ınformatıka, ólketanýǵ aǵylshyn tili, florıstıka, landshaftik dızaın jáne robotehnıka boıynsha úıirmeler iske qosylady.
Al oblystyq balalar men jasóspirimderdiń shyǵarmashylyǵy ortalyǵynda 26 úıirme ashylǵan. Jaqynda dombyra úıirmesi jumysyn bastap, 45 balany qabyldamaqshy.
Mamandardyń aıtýynsha, tegin úıirmelerge 1 qazanǵa deıin jazylýǵa bolady, qazirgi ýaqytta qabyldaý komıssııasy júrip jatyr.
