SQO-da azyq-túlik baǵasy jyl basynan beri 7,3 paıyzǵa qymbattady

PETROPAVL. QazAqparat – Soltústik Qazaqstan oblysynda jyl basynan azyq-túlik baǵasy 7,3%-ǵa, azyq-túlik emes taýarlar - 3,3 %-ǵa jáne aqyly qyzmetter 2,8%-ǵa ósti, dep habarlaıdy QazAqparat tilshisi.

SQO statıstıka departamentiniń málimetinshe, óńir boıynsha ınflıatsııa 4,8% qurap otyr.

Jarmalar – baǵa qymbattaýy boıynsha birinshi orynda tur. Jyl basynan bul ónim 19,4%-ǵa ósken. Jemis-jıdek 18,1%-ǵa qymbattap, ekinshi orynǵa shyqty. Al úshinshi orynda 12,4%-ǵa qymbattaǵan un tur.

Jalpy qańtar-qyrkúıek aılarynda qant – 10,4%-ǵa, sút ónimderi – 9,4%-ǵa, jumyrtqa – 9,1%-ǵa, et pen et ónimderi – 8,8%-ǵa, makarondar, maılar – 7,4%-ǵa, balyq – 5,8%-ǵa jáne kondıterlik ónimder 4,9%-ǵa qymbattaǵan.

Temeki ónimderiniń baǵasy 10,6%-ǵa, spırttik ishimdikterdiń 7,4%-ǵa, alkogolsiz ishimdikterdiń 5,6%-ǵa ósken.

Arzandaǵan kúrish pen kókónis, sáıkesinshe 6,9 jáne 7,7%-ǵa baǵa tústi.

Jeke bas taýarlary - 6,8%-ǵa, qurylys materıaldary – 9,7%-ǵa, farmatsevtıkalyq ónimder 6,4%-ǵa, turmystyq tehnıka – 3,4%-ǵa, kıim men aıaq kıimniń keı túri 2,7%-ǵa, kitap-gazet, keńse taýarlary 1,8%-ǵa qymbattaǵan.

Benzın baǵasy 2,4%-ǵa artsa, dızel otyny kerisinshe, 1,6%-ǵa arzandaǵan. Baǵasy túskenderdiń qatarynda kommýnaldyq qyzmetter bar. SQO turǵyndary jylý, sýyq sý, gaz, káriz júıesi úshin 5%-ten 2,1%-ǵa deıin az tóleıtin bolǵan, alaıda, elektr qýaty 5%-ǵa qymbattap otyr. Domofondy qoldanǵany úshin alynatyn tólem 12,9%-ǵa artqan.

Soltústikqazaqstandyqtar úshin quqyqtyq qyzmet, saqtandyrý, shash alǵyzý, bilim alý jáne qoǵamdyq oryndarda tamaqtaný baǵasy da 10%-dan 4,4%-ǵa deıin qymbattady.

Budan basqa SQO-da temirjol bıleti 5,2%-ǵa, avtomobılmen júrý 1,9%-ǵa deıin qymbattaǵan.