SQO-da azyq-túlik baǵasy bir jylda qalaı ózgerdi

PETROPAVL. KAZINFORM – Soltústik Qazaqstan oblysynda qańtarda ınflıatsııa jyldyq esepteýmen alǵanda 9,5% qurady.

Ulttyq statıstıka bıýrosy SQO boıynsha departamentiniń málimetinshe, ótken jylǵy qańtarmen salystyrǵanda bir jylda eń kóp, ıaǵnı 12,7% aqyly qyzmetter ósken. Ekinshi orynda 8,8% azyq-túlik taýarlary qymbattaǵan, al azyq-túlik emes taýarlar baǵasy 8% artqan. 

Máselen bir jyldyń ishinde jumyrtqa – 16,6%, jemister – 12,3, makaron jáne kondıter ónimderi – 7,8% qymbattaǵan.

Al kúrishtiń baǵasy 30,9% ósse, alkogoldi ishimdikter men temeki ónimderine baǵalar ósimi 18,5% qurady. Jas kókónisterge baǵa 1%, sonyń ishinde qyryqqabatqa – 20,7, sábizge – 25, qyzanaqqa – 6% artqan.

Baǵasy arzandaǵan taýarlardyń ishinde kóshti pııaz bastap tur, ónim baǵasy 19% tómendedi. Jarmalar - 12,9%, kartop - 1,7%, ósimdik maıy – 14,3%, qant – 13,2% arzandady.

Azyq-túlik emes taýarlarǵa toqtalar bolsaq, prıborlar jáne jeke basqa arnalǵan taýarlar baǵasy – 19,9%, farmatsevtıkalyq ónimder – 10,4%, kıim jáne aıaq kıim – 9,7% ósken.

AI-95, AI-96 markaly benzın 15,4% qymbattady. Kómir, ótken jylmen salystyrǵanda, 6,8% ósti.

Jeke kólik quraldaryna tehnıkalyq qyzmet kórsetý jáne jóndeý – 20,9%, avtosaqtandyrý – 7% qymbattady. Temir jol kóligi qyzmetteriniń baǵasy 10,7% kóterildi.

Notarıýs qyzmetteriniń baǵasy 7% ósti.