SQO-da ata-analarǵa mektep formasyna qoıylatyn talaptar eske salyndy

PETROPAVL. KAZINFORM – Soltústik Qazaqstan oblysynda jańa oqý jyly qarsańynda ata-analarǵa mektep formasy bolý mindetti ekeni eskertildi.

Школьная форма Мектеп формасы
Фото: Kazinform

SQO bilim basqarmasy basshysynyń orynbasary Tatıana Protopopovanyń aıtýynsha, mektep formasy elimizde mınıstrliktiń buıryǵymen 2016 jyldan bar. 

- Mektep formasy oqýshylardyń jas erekshelikterine saı engizilgen jáne kúndelikti, merekelik jáne sporttyq dep bólinedi.

Er balalarǵa arnalǵan mektep formasyna pıdjak, jılet, shalbar, aq jeıde, kúndelikti jeıde, sondaı-aq trıkotajdan tigilgen kofta/túımeli nemese sydyrmaly kardıgan, polo jeıde nemese tennıska (qys mezgilinde – trıkotaj jılet, vodolazka) kiredi. Er balalardyń shalbary keń pishimdi bolyp, uzyndyǵy aıaqtyń tobyǵyn jabýy tıis.

Qyz balalarǵa arnalǵan mektep formasyna pıdjak, jılet, beldemshe, shalbar, klassıkalyq blýzka, sondaı-aq trıkotaj kofta/túımeli nemese sydyrmaly kardıgan, polo jeıde nemese tennıska (qys mezgilinde – trıkotaj jılet, sarafan, vodolazka) kiredi. Qyz balalardyń shalbary da keń pishimdi bolyp, uzyndyǵy aıaqtyń tobyǵyn jabady, - deıdi Tatıana Protopopova. 

Mamannyń aıtýynsha, mektep formasyna ártúrli dinı konfessııalarǵa tıesili kıim elementterin qosýǵa jol berilmeıdi. 

- Ata-analar nemese balanyń ózge de zańdy ókilderi mektep formasyn tigetin kásiporyndy nemese oqýshy kıimin satatyn saýda jelisin óz betinshe tańdap, satyp ala alady. Sondaı-aq, oqýshynyń mektep formasyn kıip júrýin qamtamasyz etedi, - deıdi Tatıana Protopopova. 

Buǵan deıin el óńirlerinde mektep formasy qanshadan satylyp jatqanyn jazǵan edik.

Сейчас читают