SQO-da alaıaq jumyrtqamen «alastap», áıeldiń eki altyn júzigin alyp ketken

PETROPAVL. QazAqparat – Soltústik Qazaqstan oblysynda áıeldi aldap, onyń 600 myń teńge turatyn eki júzigin alyp ketken áıel ustaldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, M.Jumabaev aýdanynyń polıtsııa bólimine oblys ortalyǵynyń 68 jastaǵy turǵynynan aryz tústi.

Onyń aıtýynsha, alaıaq ony aldap, 600 myń teńge turatyn eki altyn júzigin alyp ketken.

Jábirlenýshi áıeldiń M.Jumabaev aýdanynyń ortalyǵy Býlaevta bazarda býtıgi bar. Oǵan beıtanys kekse áıel birneshe ret kelip, jumys ornyn alastap berýdi usynǵan.

Bastapqyda bul usynystan bas tartqanymen, keıin jábirlenýshi kelisimin bergen.

«Emshi» áıel taýyq jumyrtqasymen alastaý rásimin júrgizip, keıin barlyq pále-jala ketýi úshin qundy zat berýdi suraǵan.

Ony jeke paıda tabý maqsatynda emes, órteý úshin alǵanyn aıtqan.

Áıel qolyndaǵy eki altyn júzigin sheship berip, qolyna taǵy 20 myń teńge ustatypty.

Biraz ýaqyttan keıin esin jıǵan ol jaǵdaıdy baǵalap, «emshige» qońyraý shalǵan. Jaýap bermegesin polıtsııaǵa aryzdanýyna týra kelipti.

Maǵjan Jumabaev aýdanynyń polıtsııa bólimi krımınaldyq polıtsııa qyzmetkerleri kúdiktini ustady.

Ol jýyrda Býlaev qalasyndaǵy tanysyna kelgen Aqmola oblysynda turatyn 67 jastaǵy áıel bolyp shyqty. Saqına tárkilendi.

Atalǵan fakti «alaıaqtyq» baby boıynsha tirkeldi.

Kúdikti qolhatpen bosatyldy. Tergeý júrip jatyr.