SQO-da 88 eldi meken aýyz sýsyz otyr

PETROPAVL. KAZINFORM – Soltústik Qazaqstan oblysynda 7,4 myń turǵyny bar 88 aýyldyq eldi meken taza aýyz sýmen qamtamasyz etilmegen.

Есептеу құралдары жоқ алматылықтарға суды қолдану нормалары өзгерді
Фото: Алматы әкімдігі

Soltústik Qazaqstan oblystyq qoǵamdyq keńestiń bıylǵy alǵashqy otyrysynda óńir eldi mekenderin sýmen qamtý máselesi kóterildi. Jol kartasy boıynsha bıyl bul másele tolyq sheshilýi tıis. Máselen sýmen jabdyqtaý nysandaryn salýǵa jáne jańǵyrtýǵa damý bıýdjeti aıasynda shamamen 11,7 mlrd teńge bólingen. Bul aqshaǵa 37 aýylǵa sý tartylady. QR Sý resýrstary jáne ırrıgatsııa mınıstrligi sý sharýashylyǵy komıtetiniń jelisi boıynsha 5 aýylǵa taza sý kelmek jáne 46 aýylǵa keshendi modýlder blogy ornatylady.

- Qazirgi ýaqytta respýblıkalyq bıýdjetten 15,1 mlrd teńge somasynda qarjy bólý máselesi pysyqtalyp jatyr. Eldi mekender ishine sýmen jabdyqtaý jelilerin tartý toptyq sý qubyrlarynyń ınfraqurylymyn aýyl shekaralaryna deıin jetkizý jónindegi josparlarmen sáıkestendirilýi tıis. Oblystyq bıýdjetti kezekti naqtylaýda birinshi kezektegi shyǵystar boıynsha bıýdjettiń shyǵys bóligin ulǵaıtý kerek, atap aıtqanda, oblys turǵyndaryn taza aýyz sýmen qamtamasyz etýge qarajat bólý usynylady, óıtkeni bul mańyzdy áleýmettik baǵyt. Osyǵan baılanysty, oblystyń energetıka jáne turǵyn úı-kommýnaldyq sharýashylyq basqarmasy boıynsha 2 160 mln teńgege ulǵaıtýdy usynamyz, - deıdi SQO qarjy basqarmasynyń basshysy Natalıa Dyshkant.

Joba boıynsha Aıyrtaý aýdanyna ǵana sýmen jabdyqtaý úshin 598,1 mln teńge kerek. Bul aýdanda 11 eldi meken taza sýsyz otyr. Taıynsha aýdanyna 765,7 mln, Shal aqyn aýdanyna 710,9 mln, Esil aýdanyna 67,1 mln jáne Mamlıýt aýdanyna 18,2 mln teńge kerek.

Buǵan deıin SQO-da byltyr sýda qalyp, shirı bastaǵan 1130 ga aǵash jınalǵandyǵyn jazǵan edik.

 

Сейчас читают